మురుగ దాస్ ని ఆశ్చర్యపరిచిన సూపర్ స్టార్ మహేష్ బాబు

మనకి ఎవరైనా నమస్కారం పెట్టారంటే అది మనలోని గొప్పదనం కాదు.. వారిలోని మంచితనం అంటుంటారు పెద్దలు. అది ముమ్మాటికీ నిజమని సూపర్ స్టార్ మహేష్ బాబు నిరూపించారు. తెలుగు పరిశ్రమలో టాప్ హీరోల్లో ఒకరిగా ఉన్న ప్రిన్స్ తమిళ డైరక్టర్ మురుగ దాస్ ని సార్ అంటూ పిలవడమే కాకుండా  అభినందనలతో ముంచెత్తాడు. ప్రస్తుతం మహేష్ అతని దర్శకత్వంలోనే ద్వి భాషా చిత్రం చేస్తున్నారు. మహేష్ ఇంటెలిజెంట్ ఆఫీసర్ గా నటిస్తున్న ఈ మూవీ తాజాగా చెన్నై లో రెండో షెడ్యూల్ పూర్తి చేసుకుంది.

గజని, స్టాలిన్ వంటి చిత్రాలను తీసిన మురుగ దాస్ ఇందులో సూపర్ స్టార్ ని కొత్తగా చూపిస్తున్నారు. నిన్న (సెప్టెంబర్ 25న) మురుగదాస్ బర్త్ డే  సందర్భంగా సూపర్ స్టార్ శుభాకాంక్షలు తెలుపుతూ ట్వీట్ చేశారు,  ‘ఏఆర్ మురుగదాస్ కు జన్మదిన శుభాకాంక్షలు. మీతో కలిసి పని చేయడం గర్వంగాను.. గొప్పగాను ఉంది సార్.’ అంటూ పోస్ట్ చేశారు. మహేష్ బాబు లాంటి సూపర్ స్టార్ తనతో పని చేయడం గర్వంగా ఉందని చెప్పడంతో మురుగదాస్ ఆశ్చర్య పోయాడంట. వెంటనే డైరక్టర్ మహేష్ కి ఫోన్ చేసి థాంక్స్ చెప్పినట్లు తెలిసింది. మహేష్ లాంటి స్టార్లు  మర్యాదను ఇచ్చి పుచ్చుకుంటుంటారు.