సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ వేగంగా షూటింగ్ జరుపుకుంటోంది. నిన్నటి వరకు హైదరాబాద్ లోని బిజీ రోడ్లపై ఛేజింగ్ సీన్ ని తెరకెక్కించిన చిత్ర బృందం నేడు ఖమ్మం కి వెళ్లింది. అక్కడి కొత్త గూడెం పరిసరాల్లో వందల మంది జూనియర్ ఆర్టిస్టులతో యాక్షన్ సీక్వెన్స్ ని చిత్రీకరిస్తోంది. ఇందులో మహేష్ బాబు, రకుల్ ప్రీత్ సింగ్, ఎస్.జె.సూర్య తదితరులు పాల్గొంటున్నారు.
భారీ బడ్జెట్ తో ఏక కాలంలో తెలుగు, తమిళ భాషల్లో నిర్మితమవుతున్న ఈ మూవీ షూటింగ్ మరికొన్ని రోజులు అక్కడే జరగనుంది. ఆ తర్వాత షెడ్యూల్ గుజరాజ్ రాజధాని అహ్మదాబాద్లో జరగనుంది. జాతీయ అవార్డు గ్రహీత సినిమాటోగ్రాఫర్ సంతోష్ శివన్ పనిచేస్తున్న ఈ చిత్రానికి హరీష్ జయరాజ్ సంగీతమందిస్తున్నారు. ఎన్.వి.ప్రసాద్, ఠాగూర్ మధు, నమ్రత సంయుక్తంగా నిర్మిస్తున్న ఈ చిత్రం ఫస్ట్ లుక్ టీజర్ దీపావళికి రిలీజ్ కానుంది.
