“నేను ఎంత ఎదవనో నాకే తెలియదు”… అనే డైలాగ్ ఎవరికైనా రాసిస్తే.. వెంటనే చెత్త కుప్పలో పడేస్తారు. అటువంటిది ఒక స్టార్ హీరో అయి ఉండి మహేష్ చెప్పారు. అది సూపర్ గా పేలింది. ఆ డైలాగ్ కే స్టార్ హోదా తెప్పించారు. అలాంటి రేంజ్ ఉన్న హీరో మహేష్ బాబు. ఖలేజా చిత్రం నుంచి పంచ్ లతో దూసుకు పోతున్న ప్రిన్స్, ఈ సారి రాజకీయ నేతలపై సెటైర్ వేయనున్నారు. హిట్ డైరక్టర్ కొరటాల శివ దర్శకత్వంలో ఆయన చేయనున్న “భరత్ అను నేను” సినిమాలో ముఖ్యమంత్రిగా కనిపించనున్నారు. ఆ పాత్రకు తగినట్లు పొలిటికల్ పంచ్ లను కొరటాల సిద్ధం చేశారు.
ఇప్పటివరకు రీల్, రియల్ లైఫ్ లో ఎప్పుడు మహేష్ రాజకీయం జోలికి వెళ్ళలేదు. వాటి గురించి పెద్దగా మాట్లాడలేదు. తొలిసారి ఇందులో నేటి రాజకీయ వ్యవస్థలోని లోపాలపై సెటైర్లు వేయనున్నట్లు తెలిసింది. కొరటాల పెన్ నుంచి వచ్చే డైలాగులు చాలా బలంగా ఉంటాయి.. ఇక దానిని మహేష్ తనదైన శైలిలో చెబుతుంటే థియేటర్లలో చప్పట్ల వాన కురవడం తథ్యం. ప్రస్తుతం ఏఆర్ మురుగదాస్ దర్శకత్వంలో యాక్షన్ థ్రిల్లర్ మూవీ చేస్తున్న సూపర్ స్టార్, దీని తరవాత కొరటాల మూవీ మొదలు పెడుతారు.
Also, do SUBSCRIBE to our YouTube channel to get latest Tollywood updates.
