సూపర్ స్టార్ మహేష్ బాబు చేస్తున్న మూవీ కొత్త షెడ్యూల్ డేట్ ని మురుగదాస్ ఫిక్స్ చేశారు. గుజరాత్ ముఖ్య పట్టణం అహ్మదాబాద్ లో డిసెంబర్ 24 వరకు భారీ షెడ్యూల్ ని పూర్తి చేసిన డైరక్టర్ తాజాగా హైదరాబాద్ లో షూటింగ్ మొదలు పెట్టనున్నారు. అందుకోసం భారీ సెట్ వేయిస్తున్నారు. భాగ్యనగరంలో జనవరి 7 నుంచి మహేష్ ,హీరోయిన్ రకుల్ ప్రీత్ సింగ్, ఎస్.జె.సూర్యలపై కీలక సన్నివేశాలను చిత్రీకరించనున్నారు. భార్య, పిల్లలతో కలిసి స్విట్జర్ ల్యాండ్ టూరుకు వెళ్లిన ప్రిన్స్ నేడు హైదరాబాద్ రానున్నారు. రేపటి నుంచి చిత్రీకరణలో పాల్గొననున్నారు.
ఇక్కడ షెడ్యూల్ పూర్తి అయిన వెంటనే చిత్ర బృందం పూణే కి పయనం కానుంది. ఫిబ్రవరి నాటికి టాకీ పార్ట్ మొత్తం పూర్తి అవుతుందని, ఆ తర్వాత మిగిలిన రెండు పాటల కోసం విదేశాలకు వెళ్తామని నిర్మాత ఠాగూర్ మధు చెప్పారు. వంద కోట్ల బడ్జెట్ తో ఏక కాలంలో తెలుగు, తమిళ భాషల్లో తెరకెక్కుతున్న ఈ మూవీకి “సంభవామి” అనే టైటిల్ ని పరిశీలిస్తున్నారు.
Also, do SUBSCRIBE to our YouTube channel to get latest Tollywood updates.
