మహేష్ పాటను అరువు తీసుకున్న అల్లరి నరేష్

“భరత్ అనే నేను” సినిమాలోని “వచ్చాడయ్యో సామి” అనే పాట ఎంత పెద్ద హిట్ అయ్యిందనే విషయం ప్రత్యేకించి చెప్పాల్సిన అవసరం లేదు. ఆ పాటలో పంచెకట్టులో మహేష్ వేసిన డ్యాన్సులు, రామజోగయ్య శాస్త్రి లిరిక్స్ హైలైట్ గా నిలిచాయి. ఆ పాట ఫ్లేవర్ ఇంకా మరువక ముందే ఆ పాటను తమ సినిమాకు టైటిల్ గా ఫిక్స్ చేసేసుకొన్నాడు దర్శకుడు భీమినేని శ్రీనివాసరావు. అల్లరి నరేష్-సునీల్ కథానాయకులుగా ఆయన దర్శకత్వంలో ఓ సినిమా తెరకెక్కుతున్న విషయం తెలిసిందే. చిత్ర శుక్ల, నందిని రాయ్ కథానాయికలుగా నటిస్తున్న ఈ చిత్రానికి “సిల్లీ ఫెలో” అనే టైటిల్ ను రిజిష్టర్ చేశారు.

అయితే.. ఆ టైటిల్ మరీ సిల్లీగా ఉందని చాలా మంది చెప్పడంతో.. టైటిల్ విషయంలో పునరాలోచన చేసిన భీమనేని “వచ్చాడయ్యో సామి” అనే పాట పల్లవిని తమ టైటిల్ గా ఫిక్స్ అయ్యి.. రిజిష్టర్ కూడా చేయించేశారట. మరి అల్లరి నరేష్, సునీల్ లో ఆ వచ్చే సామి ఎవరో తెలియదు కానీ.. వీరి చిత్రానికి “వచ్చాడయ్యో సామి” అనే టైటిల్ ఫిక్స్ చేయడం వలన టీం లో కాస్త పాజిటివ్ వైబ్రేషన్స్ మొదలయ్యాయ్.