తెలుగు, తమిళ, మలయాళ భాషల్లో సాయిపల్లవికి మంచి క్రేజ్ ఉందని ప్రత్యేకంగా చెప్పనక్కర్లేదు. అలా క్రేజ్ ఉంది కదా అని ఏ చిత్రం పడితే… ఆ చిత్రం చేయడానికి సాయి పల్లవి అంగీకరించట్లేదట. కథ, అందులోనూ తన పాత్రకు ప్రాముఖ్యత ఉంటేనే… ఆయా చిత్రాల్లో నటించడానికి ఒప్పుకుంటుందట. ప్రస్తుతం కోలీవుడ్ లో సూర్య సరసం ‘ఎన్.జి.కె’ చిత్రంలో నటిస్తుంది. త్వరలోనే ఈ చిత్రం ప్రేక్షకుల ముందు రానుంది. ఇదిలా ఉండగా… త్వరలోనే సాయిపల్లవికి… మహేష్ బాబు చిత్రంలో నటించే అవకాశం ఉండబోతుందని ఫిలింనగర్ విశ్లేషకుల సమాచారం.
మహేష్ బాబు 25వ చిత్రం ‘మహర్షి’ వచ్చే నెల విడుదల కాబోతుంది. దీని తరువాత 26వ చిత్రాన్ని అనిల్ రావిపూడి డైరెక్ట్ చేయబోతున్నాడు. ప్రస్తుతం దీనికి సంబంధించిన ప్రీ ప్రొడక్షన్ పనులు చక చకా జరిగిపోతున్నాయి. ఇక అసలు విషయానికి వస్తే ఈ చిత్రంలో ఓ హీరోయిన్ గా సాయిపల్లవిని తీసుకోవాలని అనుకుంటున్నాడట అనిల్ రావిపూడి. ఇటీవల ఈ చిత్ర కథని వినిపించడానికి అనిల్ రావిపూడి చెన్నైకి వెళ్ళాడని తెలుస్తుంది. ఇక ఈ ప్రాజెక్ట్ కి దేవిశ్రీ ప్రసాద్ ను సంగీత దర్శకుడిగా అనుకుంటున్నారట.
Home