సూపర్ స్టార్ నమ్మినంతగా నన్ను ఎవరూ నమ్మలేదు : పూరి జగన్నాథ్

సూపర్ స్టార్ మహేష్ బాబు దర్శకుల నటుడు అని అందరూ అంటుంటారు. డైరక్టర్ మాటను తూచా తప్పకుండా పాటిస్తారని అతనితో పనిచేసిన వారు ఎన్నోసార్లు చెప్పారు. ఇప్పుడు స్పీడ్ డైరక్టర్ పూరి జగన్నాథ్ ప్రిన్స్ గురించి ఓ విషయం చెప్పి అందరినీ ఆశ్చర్య పరిచారు. “నా జీవితంలో మహేష్ నమ్మినంతగా నన్ను ఎవరూ నమ్మలేదని” సోషల్ మీడియా వేదిక గా చెప్పారు. వీరిద్దరి కాంబినేషన్లో వచ్చిన పోకిరి బ్లాక్ బస్టర్ హిట్ అయింది.

ఆ తర్వాత బిజినెస్ మాన్ వచ్చింది. సూపర్ హిట్ అయిన ఈ  సినిమా గురించి డేరింగ్ డైరక్టర్ మాట్లాడుతూ “బిజినెస్ మ్యాన్ స్టోరీని షూటింగ్ కి ముందు మహేష్ కి చెప్పలేదు. చిత్రీకరణ సమయంలోను ఆ రోజు సీన్ గురించే వివరించాను. సినిమా మొత్తాన్ని ఒక కరెక్షన్ కూడా చెప్పకుండా ప్రిన్స్ పూర్తి చేశారు” అని సూపర్ స్టార్ గొప్పతనం గురించి వివరించారు. డైరెక్టర్లకి హీరోలు ఇచ్చే గౌరవం ఇంతకంటే ఏముంటుంది. అందుకేనేమో ప్రతి దర్శకుడు మహేష్ బాబుతో ఒక సినిమా అయినా చేయాలనీ ఆశపడుతుంటారు.