తెలుగులో ‘బిగ్ బాస్’ అత్యంత ప్రజాదరణ పొందిన షో అనడంలో సందేహం లేదు. ఇక ప్రస్తుతం మూడో సీజన్ జరుగుతుంది. ఇక మరో 10 రోజులు మాత్రమే షో ఉండబోతుంది. నవంబర్ 1 న ఫైనల్. ఇదిలా ఉండగా.. హౌస్ నుండీ ఎలిమినేట్ అయిన వారిని కొన్ని న్యూస్ ఛానల్స్ వారు ఇంటర్వ్యూ చేస్తున్న సంగతి తెలిసిందే. అలా ఈ మధ్య మహేష్ విట్టా ను ఓ ఛానల్ వారు ఇంటర్వ్యూ చేసారు. అందులో బిగ్ బాస్ విన్నర్ పై పక్కా క్లారిటీ ఇచ్చేసాడు మహేష్.
మహేష్ మాట్లాడుతూ… “వాస్తవానికి హౌస్‌లో ఏం జరుగుతుందనే పూర్తి విషయాలు హోస్ట్ నాగార్జున గారికి కూడా తెలియనివ్వరు. వారు ఇచ్చిన స్క్రిప్ట్‌ని మాత్రమే ఆయన ఫాలో అవుతారు. ఆయన కూడా ఎవ్వరినీ బలవంతంగా తిట్టే వ్యక్తి కాదు, ఇబ్బంది పెట్టేవారు అసలే కాదు. అసలు నేను ఎందుకు పనికిరానని హౌస్ లో అందరూ అనుకున్న సమయంలో నాగ్‌ సార్‌ ‘మహేష్ నువ్వు చాలా బాగా ఆడుతున్నావ్, నీ స్టైల్లో నువ్వు ఆడు’ అంటూ సపోర్ట్‌ చేశారు. దసరా రోజు హౌస్‌లోకి వచ్చినప్పుడు నాతో సరదాగా ఉన్నారు. ఆ హ్యాపీ మూమెంట్‌ స్వీట్‌ మెమరీ. నాకు బాగా నచ్చిన వ్యక్తి బాబా మాస్టర్‌. ఓట్ల ప్రకారంగా రాహుల్‌ విన్నర్. లోపల ఏదైనా రాజకీయాలు జరిగితే శ్రీముఖి విన్నర్ కావొచ్చు. ఆ రాజకీయాలు ఏంటనేవి నేను చెప్పను” అంటూ మహేష్ అసలు విషయాలు చెప్పుకొచ్చాడు.
బర్త్ డే స్పెషల్ : ప్రభాస్ రేర్ అండ్ అన్ సీన్ పిక్స్…!
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
Home