మహేష్ బాబు అభిమానులు ‘మహర్షి’ రిలీజ్ డేట్ విషయంలో రకరకాల వార్తలు వింటూ వస్తున్నారు. మొదట ఉగాది కానుకగా ఏప్రిల్ 5న సినిమా విడుదల చేస్తామని ముందుగానే ప్రకటించిన చిత్రబృందం దాన్ని కాస్త ఏప్రిల్ 25కి మార్చిన సంగతి తెలిసిందే. ఇది కూడా ఓ ఇంటర్వ్యూ లో క్లారిటీ ఇచ్చాడు నిర్మాత దిల్ రాజు. అంతే కాదు ఆఫీసియల్ గా సోషల్ మీడియాలో కూడా అనౌన్స్ చేసారు. అయితే ఇప్పుడు అది కూడా కాదని మే 9 న రిలీజ్ చేయబోతున్నాం అంటూ దిల్ రాజు చెప్పుకొచ్చాడు.
తాజాగా ఓ ప్రెస్ మీట్ పెట్టి నిర్మాత దిల్ రాజు అనౌన్స్ చేశాడు. అయితే ఈ ప్రెస్ మీట్లో దిల్ రాజు చెప్పిన రీజన్స్ చాలా సిల్లీగా ఉన్నాయి. ‘ఏప్రిల్ 12 కి సినిమా కంప్లీట్ అవుతుంది… అని చెప్పాడు, గతంలో కూడా ఇదే రీజన్ చెప్పాడు. ఇది పక్కన పెడితే… ‘యూ.ఎస్ షెడ్యూల్ డిలే అవ్వడం వలన 1 నెల షూటింగ్ నిలిచిపోయింది అంటూ దిల్ రాజు చెప్పాడు. నిజానికి ‘స్పైడర్’ రిలీజ్ కి ముందే ఈ చిత్రం పూజా కార్యక్రమాలు మొదలయ్యాయి. మధ్యలో దాదాపు 9 నెలలు గ్యాప్ ఉంది. ప్రీ ప్రొడక్షన్ పనులు అన్నీ 3 నెలల్లో కంప్లీట్ అయిపోయాయట. అయినా ఈ ప్రాబ్లమ్ ఎలా వస్తుంది అంటూ ఫిలింనగర్ విశ్లేషకులు అనుమానం వ్యక్తం చేస్తున్నారు. ఇక రెండు పాటలు షూటింగ్ గురించి దిల్ రాజు చెప్పాడు.. కేవలం రెండు వారాల్లో ఈ పరిస్థితి అంతా చక్కపడిపోద్దా… అనేది కూడా అంతు చిక్కని ప్రశ్న. మే 9 న అశ్వినీదత్ గారి ‘మహానటి’ రిలీజ్ అయ్యి బ్లాక్ బస్టర్ అయ్యింది.
అలాగే అయన ‘జగదేకవీరుడు అతిలోక సుందరి’ ఇదే డేట్ ని విడుదలయ్యి సంచలనం సృష్టించింది అన్నాడు.అలాగే తన ‘పరుగు’ ‘భద్ర’ చిత్రాలు కూడా సూపర్ హిట్ అయ్యాయని… కాబట్టి ఇది వారికి కలిసొచ్చే నెల అని చెప్పాడు. ఇదికూడా బాగానే ఉంది. కానీ మహేష్ బాబు ఇది డిజాస్టర్ నెల. ‘నిజం’ ‘నాని’ ‘బ్రహ్మోత్సవం’ చిత్రాలు ఇదే నెలలో విడుదలయ్యి డిజాస్టర్లు గా మిగిలాయి, మరి దీని పరిస్థితేంటి. మరో విషయం ఏమిటంటే… మహేష్ కి ఈ చిత్రాన్ని మే నెలలో విడుదల చేయడం ఇష్టం లేదంట. కావాలంటే జూన్ నెలలో అయినా పర్వాలేదు కానీ మే లో రిలీజ్ వద్దని కచ్చితంగా చెప్పేశాడట. అయితే మహేష్ కి తెలీకుండా సడెన్ గా ఈ ప్రెస్ మీట్ పెట్టేసి రిలీజ్ డేట్ అనౌన్స్ చేసేస్తే మహేష్ ఇంకేమి చేయలేడని… ఇలా దిల్ రాజు… మహేష్ ని ఇరికించేసినట్టు తెలుస్తుంది. మరి ఈ వార్తలో నిజమెంతుందో తెలియాల్సి ఉంది.
