Mahi v Raghav: మహి.వి.రాఘవ్‌ కొత్త సినిమా.. పాన్‌ ఇండియానట.. ఎవరితో అంటే?

మహి.వి.రాఘవ్‌ (Mahi V Raghav).. ఈ పేరు వినగానే మనకు ఠక్కున గుర్తొచ్చే సినిమాలు బయోపిక్‌లే. అందులోనూ ఆయన చేసిన జీవిత కథలు ఒక కుటుంబానికి చెందిన రాజకీయ నాయకులవే. అయితే తొలి బయోపిక్‌ అదిరిపోయే ఫలితాన్ని ఇవ్వగా.. రెండో బయోపిక్‌ అంతటి రుచికమైన రిజల్ట్‌ ఇవ్వలేదు. ఇప్పుడు ఆయన కొత్త సినిమా స్టార్ట్‌ చేయడానికి సిద్ధమవుతున్నారట. అయితే ఈ సినిమాలో హీరో బయోపిక్‌లకు రిలేటెట్‌ హీరోనే అని అంటున్నారు. ‘యాత్ర’ సినిమాతో టాలీవుడ్‌లో బయోపిక్‌లకు ఓ కొత్త అర్థం అందించిన దర్శకుడు మహి. వి.రాఘవ్‌.

కమర్షియల్ ఎలిమెంట్స్‌ను, ఎమోషనల్‌ ఎలిమెంట్స్‌ను టచ్‌ చేస్తూ ఆయన చేసిన ఆ సినిమా భారీ విజయం అందుకుంది. అందులో వైఎస్‌ రాజశేఖర్‌ రెడ్డిగా ప్రముఖ మలయాళీ నటుడు మమ్ముట్టి నటించారు. ఆ తర్వాత ‘యాత్ర 2’లో (Yatra 2) కూడా ఆయన కనిపించారు. ఇప్పుడు మహి వి రాఘవ్‌ కొత్త సినిమాలో ఆయన తనయుడు కనిపిస్తాడని అంటున్నారు. ముమ్మట్టి (Mammootty) కుమారుడు దుల్కర్ సల్మాన్‌తో (Dulquer Salmaan) మహి.వి.రాఘవ్‌ ఓ భారీ బడ్జెట్ సినిమా ప్లాన్ చేస్తున్నట్లు తెలుస్తోంది.

ఇప్పటికే ఇద్దరి మధ్య ప్రాథమిక చర్చలు పూర్తయ్యాయని, అన్నీ ఓకే అనుకుంటే త్వరలోనే సినిమా అనౌన్స్‌ చేస్తారు అని అంటున్నారు. అయితే ఈ సినిమా నిర్మాణంలో టాలీవుడ్‌ అగ్రనిర్మాతలు కూడా భాగస్వాములు అవుతారని వార్తలొస్తున్నాయి. అయితే ఈ విషయంలో ఎలాంటి క్లారిటీ లేదు. మహి.వి.రాఘవ్‌ సినిమాలతోపాటు ‘సేవ్ ద టైగర్స్’ (Save the Tigers) రెండు సీజన్లు, ‘సైతాన్’ (Shaitan) లాంటి వెబ్ సిరీస్‌లను కూడా హ్యండిల్‌ చేశారు.

త్వరలో కొత్త సీజన్లు స్టార్ట్‌ అవుతాయని టాక్‌. అంతకుముందు ‘పాఠశాల’, ‘ఆనందో బ్రహ్మ’ లాంటి సినిమాలూ చేశారు. ఇక దుల్కర్ సంగతి చూస్తే.. ‘లక్కీ భాస్కర్’ (Lucky Baskhar) సినిమా త్వరలో విడుదలవుతుంది. ‘కల్కి 2898 ఏడీ’లోనూ ఉన్నాడని టాక్‌. ఇవి కాకుండా మరికొన్ని తెలుగు సినిమాలు చర్చల దశలో ఉన్నాయని సమాచారం.