Nithiin: యంగ్ హీరో ప్లాన్.. వర్కవుట్ అవుతుందా..?

యంగ్ హీరో నితిన్ తనకంటూ ప్రత్యేకమైన గుర్తింపు సంపాదించుకున్నాడు. ఈ మధ్యకాలంలో అతడు ఎక్కువగా లవ్ స్టోరీస్ సినిమాల్లోనే కనిపిస్తున్నాడు. తనకు కూడా ప్రేమ కథల్లో నటించి బోర్ కొట్టిందని నితిన్ ప్రకటించాడు. ‘రంగ్ దే’ సినిమా తన చివరి లవ్ స్టోరీ అని కూడా తేల్చి చెప్పాడు. ఈ క్రమంలో సరికొత్త కథలను ఎన్నుకుంటున్నాడు. అతడు చేసిన ‘చెక్’ సినిమా కూడా రెగ్యులర్ సినిమాలకు భిన్నంగా ఉంటుంది. ప్రస్తుతం సెట్స్ పై ఉన్న ‘మాస్ట్రో’ సినిమా కూడా డిఫరెంట్ స్టోరీనే.

త్వరలోనే సెట్స్ పైకి రాబోతున్న ‘పవర్ పేట’ కూడా పొలిటికల్ కాన్సెప్ట్ తో వస్తోన్న సినిమా. ఇప్పుడు ఇదే ఊపులో నితిన్ మరో కొత్త సినిమాలో నటించడానికి గ్రీన్ సిగ్నల్ ఇచ్చినట్లు సమాచారం. తెలుగులో ‘ఆనందో బ్రహ్మ’, ‘యాత్ర’ లాంటి సినిమాలను తెరకెక్కించిన దర్శకుడు మహి వి రాఘవ్.. నితిన్ తో ఓ సినిమా చేయాలనుకుంటున్నాడు. ఇప్పటికే కథా చర్చలు పూర్తయ్యాయని తెలుస్తోంది. ఈ సినిమా కూడా డిఫరెంట్ కాన్సెప్ట్ తో తెరకెక్కనుంది.

ఇందులో నితిన్ పోలీస్ ఆఫీసర్ గా కనిపించబోతున్నాడు. ఇక్కడ ఇంకో విషయం ఏంటంటే.. కథ ప్రకారం నితిన్ కి బ్రదర్ ఉంటాడని.. అతడు కూడా పోలీస్ ఆఫీసర్ గా కనిపిస్తాడని సమాచారం. అంటే సినిమాలో ఇద్దరు హీరోలన్నమాట. ఈ ప్రాజెక్ట్ పై నితిన్ ఆసక్తి చూపిస్తున్నప్పటికీ.. సినిమా ఎప్పుడు మొదలవుతుందనే విషయంలో క్లారిటీ లేదు. ‘మాస్ట్రో’ సినిమా పూర్తయిన తరువాత ‘పవర్ పేట’ సినిమాను సెట్స్ పైకి తీసుకువెళ్లనున్నాడు. ఆ తరువాతే మహి వి రాఘవ్ సినిమా ఉంటుందని తెలుస్తోంది!

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!