సెన్సేషనల్ హిట్ కొట్టిన చైసామ్ జంట

“మజిలీ” ఒక మంచి సినిమాగా మిగులుతుందని, నాగచైతన్యకి ఒక బ్రేక్ ఇస్తుందని ఊహించినవాళ్లున్నారు కానీ.. ఏకంగా డబుల్ ప్రాఫిట్ తెచ్చే సినిమా అవుతుందని కానీ.. ఏకంగా 50 కోట్ల క్లబ్ లో జాయినవుతుందని కానీ ఎవరూ ఊహించలేదు ఆఖరికి నాగచైతన్య-సమంతలతో సహా. అలాంటి మజిలీ నేటితో 50 కోట్ల గ్రాస్ వసూలు చేసింది. గత శుక్రవారం పోటీగా సినిమాలేమీ లేకపోవడం.. గతవారం విడుదలైన “చిత్రలహరి” ఆశించిన స్థాయిలో ఆకట్టుకోలేకపోవడంతో ప్రేక్షకులందరూ “మజిలీ”వైపే మళ్ళారు. దాంతో తొలివారంలోనే 50 కోట్ల గ్రాస్ వసూలు చేసింది “మజిలీ”.

• ‘చిత్రలహరి’ రివ్యూ కోసం ఇక్కడ క్లిక్ చెయ్యండి 
• మజిలీ రివ్యూ కోసం ఇక్కడ క్లిక్ చెయ్యండి 
• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చెయ్యండి    
• ఫ్రేమకథా చిత్రం 2  రివ్యూ కోసం ఇక్కడ క్లిక్ చెయ్యండి

నాగచైతన్య కెరీర్ లో హయ్యస్ట్ గ్రాస్ వసూలు చేసిన సినిమాగా “మజిలీ” నిలిచింది. శివ నిర్వాణ టేకింగ్, చైతన్య మెచ్యూర్డ్ పెర్ఫార్మెన్స్ కంటే కూడా శ్రావణి అనే మధ్యతరగతి గృహిణిగా సమంత నటన సినిమాకి హైలైట్ గా నిలిచింది. దాంతో యూత్ తోపాటు ఫ్యామిలీ ఆడియన్స్ కూడా సినిమాకీ బాగా కనెక్ట్ అయ్యారు. ఓవర్సీస్ లో కూడా 1 మిలియన్ చేరువలో కలెక్షన్స్ ఉన్నాయి. సో, చైసామ్ జంట పెళ్ళైన తర్వాత మంచి సాలిడ్ హిట్ కొట్టారన్నమాట.