సినిమా ఫ్లాపైంది, కనీస స్థాయి గుర్తింపు లభించలేదు. అయినా కృంగిపోకుండా ప్రేక్షకుల్ని ఆకట్టుకొనేందుకు తనవంతు ప్రయత్నాలు చేస్తోంది మాళవికశర్మ. రవితేజ సరసన “నేల టికెట్టు” చిత్రం ద్వారా కథానాయికగా పరిచయమైన ఈ అమ్మడు టాలీవుడ్ మీద బోలెడు ఆశలు పెట్టుకొని ఇండస్ట్రీకి వచ్చింది. అయితే.. పరిచయ చిత్రమే డిజాస్టర్ అవ్వడంతో అమ్మడి ఆశలన్నీ నీరుగారిపోయాయి. అయితేనేం.. అమ్మడు మాత్రం ఏమాత్రం వెనక్కి తగ్గలేదు. హాట్ హాట్ ఫోటోషూట్స్, సెక్సీ ట్విట్టర్ పోస్ట్స్ తో ఎప్పటికప్పుడు నెటిజన్ల చూపును తనవైపుకు తిప్పుకుంటూనే ఉంది.
రీసెంట్ గా పోల్ డ్యాన్స్ ప్రాక్టీస్ చేస్తున్న వీడియోను తన ఇన్స్టాగ్రామ్ ఎకౌంట్ లో పోస్ట్ చేసింది. రష్యన్ మోడల్ రేంజ్ లో పోల్ పట్టుకొని డ్యాన్స్ చేస్తున్న మాళవికశర్మను చూసి నోరెళ్ళబెట్టని వారు లేరు. మరి అమ్మడు ఇంతలా కష్టబడి చేస్తున్న ప్రయత్నాల్ని నెటిజన్లు మాత్రమే కాకుండా మన దర్శకనిర్మాతలు కూడా పట్టించుకొంటే అమ్మడికి ఏమైనా అవకాశాలు వస్తాయి. లేదంటే అడవి కాచిన వెన్నెల తరహాలో మాళవిక అందాల ఆరబోత మొత్తం వృధా అయిపోతుంది. చూద్దాం మరి అమ్మడిని ఏ దర్శకుడు ఆదరించి అవకాశం ఇస్తాడో.
