ఐఎఎస్ అవ్వాలనుకొని ఫిలిం మేకర్ అయిన తెలుగు డైరెక్టర్ ఎవరో తెలుసా ?

ఐఏఎస్ కావాలని కలలు కన్న ఓ యువతి, చివరకు సినిమాల ప్రపంచాన్ని తన గమ్యంగా ఎంచుకుని ఇప్పుడు దర్శకురాలిగా గుర్తింపు పొందడం విశేషం. తాజాగా ఆమె తెరకెక్కించిన ‘రాకాస’ సినిమా ఏప్రిల్ 3న విడుదలై మంచి స్పందనతో బాక్సాఫీస్ వద్ద దూసుకుపోతుంది. ఇప్పటికే అర్ధం అయ్యి ఉంటుంది తాను ఎవరో కాదు మన తెలుగు దర్శకురాలు మానస శర్మ అని, ఈవిడ తొలి ప్రయత్నంలోనే తన విజువలైజేషన్, కథనం ద్వారా ప్రేక్షకులను ఆకట్టుకుని ప్రత్యేక గుర్తింపును సంపాదించింది.

Manasa Sharma

ఆంధ్ర యూనివర్సిటీలో గోల్డ్ మెడలిస్ట్ అయిన మానస, ఐఏఎస్ అవ్వాలనే లక్ష్యంతో దాదాపు ఆరు సంవత్సరాలు కష్టపడింది. అయితే చదువు మధ్యలో చరిత్రపై ఆసక్తి పెరిగినప్పుడల్లా తన ఆలోచనలు సినిమాల వైపు మళ్లినట్లు తెలుస్తోంది. ఆ ఆలోచనలకే రూపం ఇవ్వాలనే సంకల్పంతో ఆమె ఫిల్మ్‌మేకింగ్ వైపు అడుగులు వేసింది.

మొదటిగా నిహారిక ప్రొడక్షన్‌లో ‘మ్యాడ్ హౌస్’ అనే యూట్యూబ్ సిరీస్‌కు రైటర్‌గా పని చేసిన మానస, తర్వాత ‘ఒక చిన్న ఫ్యామిలీ స్టోరీ’ ప్రాజెక్ట్‌తో క్రియేటర్‌గా, రచయితగా తన ప్రతిభను చాటుకుంది. అనంతరం ‘బెంచ్ లైఫ్’ వెబ్ సిరీస్‌తో దర్శకురాలిగా మారి మంచి పేరు తెచ్చుకుంది.

ఇప్పుడు ‘రాకాస’ సినిమాతో మెగా ఫోన్ చేతబట్టి వెండితెరపై, తొలి సినిమాతోనే సక్సెస్ అందుకోవడం ఆమె ప్రతిభకు నిదర్శనం. కథను బలంగా చెప్పడం, విజువల్స్‌ను ఆకర్షణీయంగా చూపించడం వంటి అంశాలు ఈ సినిమాలో ప్రత్యేకంగా నిలిచాయి. మొత్తంగా, ఐఏఎస్ అవ్వాలనుకుని ఫిల్మ్‌మేకర్‌గా మారిన మానస శర్మ ప్రయాణం ఎంతో మందికి ప్రేరణగా నిలుస్తోంది.

Shruti Hassan : రిలేషన్షిప్స్ పై శృతి హాసన్ సంచలన నిర్ణయం.. ఏంటో తెలిస్తే పక్కా షాక్ అవుతారు.