కలెక్షన్ కింగ్ మోహన్ బాబు వారసులుగా మంచు విష్ణు, మంచు మనోజ్ సినిమాల్లో ఎంట్రీ ఇచ్చారు. మొదటినుండి కూడా వీరిద్దరు సినిమా ఎంపిక విషయంలో కష్టపడి జాగ్రత్తగా సినిమాలు చేసినప్పటికీ చాలా సినిమాలు నిరాశనే మిగిల్చాయి. నటన విషయంలో ఒక్కొక్కరిది ఒక్కో స్టైల్. మంచు విష్ణు సినిమాలు చేస్తూనే అటు వ్యాపారంలో కూడా దిగాడు. మంచు మనోజ్ కెరియర్ మధ్యలో కొంచం పర్వాలేదు అనిపించినా తరువాత ప్లాప్స్ ఆయనకి తప్పలేదు. ప్రస్తుతం అయితే మంచు విష్ణు ‘ఓటర్’ అనే సినిమాలో నటిస్తున్నాడు.
అయితే మంచు విష్ణు ఫోకస్ ఎక్కువగా బిజినెస్ పైనే ఉందని, హైదరాబాద్ లో తనకి ఉన్న కేర్ స్కూల్ బాధ్యతలు అన్ని తానే దగ్గర ఉండి చూసుకుంటున్నాడని, అంతేకాకుండా తిరుపతి లో విద్యానికేతన్ బాధ్యతలని కూడా చూసుకుంటూ బిజినెస్ వ్యవహారాల్లో చాలా బిజీ ఉన్నాడని ఆయన సన్నిహితులు చెబుతున్నారు. ఇంకా మంచు మనోజ్ ఆలోచనలు సమాజసేవ పైన ఉన్నాయని వీరిద్దరికి మరింత సినిమా గ్యాప్ వచ్చిన ఆశ్చర్యం లేదని వారు అంటున్నారు. ఏది ఏమైనా వరుస ప్లాప్స్ కారణంగా మంచు బ్రదర్స్ కొంత గ్యాప్ తీసుకున్నప్పటికీ మళ్ళీ మంచి కథ వస్తే తొందర్లోనే మరిన్ని సినిమాలు చేసే అవకాశం కూడా లేకపోలేదని కొందరి వాదన.
