Manchu Lakshmi: మంచు లక్ష్మీ కి కోట్లల్లో నష్టం తెచ్చిన హీరోయిన్ ఎవరంటే..!

May 13, 2023 / 08:28 PM ISTByFilmy Focus

Join Us

Manchu Lakshmi: మంచు లక్ష్మీ కి కోట్లల్లో నష్టం తెచ్చిన హీరోయిన్ ఎవరంటే..!

మంచు లక్ష్మీ ప్రసన్న అలియాస్ లక్ష్మీ మంచు గురించి ప్రేక్షకులకు ప్రత్యేక పరిచయం అవసరం లేదు. మంచు మోహన్ బాబు కూతురిగా సినీ రంగప్రవేశం చేసిన ఈమె అనతి కాలంలోనే మంచి పాపులారిటీ సంపాదించుకుంది. టాక్ షోల ట్రెండ్ ను తీసుకొచ్చింది మంచు లక్ష్మీనే..! హోస్ట్ గా ఈమె సూపర్ సక్సెస్ అయ్యింది అనేది వాస్తవం. అలాగే నిర్మాతగా కూడా ‘ఝుమ్మంది నాదం’ అనే హిట్ ను తన ఖాతాలో వేసుకుంది.

ఇక ‘అనగనగా ఓ ధీరుడు’ సినిమాలో విలన్ గా నటించి విమర్శకుల ప్రశంసలు దక్కించుకుంది. ఈమెలో మంచి నటి ఉన్నా.. ఎందుకో నటన పై పూర్తిగా ఫోకస్ పెట్టలేదు. ఓ పక్క సినిమాల్లో నటిస్తూనే మరోపక్క సేవా కార్యక్రమాలు కూడా చేస్తుంటుంది మంచు లక్ష్మీ. సినీ పరిశ్రమలో కూడా మంచు లక్ష్మీ అంటే నటీనటులంతా ప్రత్యేక గౌరవం ఇస్తుంటారు. సోషల్ మీడియాలో ఈమె గురించి ఎలాంటి ట్రోల్స్ వస్తాయి అనేది అనవసరం.

ఈ విషయాలు పక్కన పెట్టేస్తే.. మంచు లక్ష్మీ ఓ స్టార్ హీరోయిన్ వల్ల కోట్లు నష్టపోయిందట. ఎవరా స్టార్ హీరోయిన్? ఏ రకంగా మంచు లక్ష్మీకి అంత నష్టం తెచ్చిపెట్టింది…? ఇప్పుడు అందరి మైండ్లో ఇవే ప్రశ్నలు రన్ అవుతూ ఉంటాయి. మంచు లక్ష్మీకి కోట్లు నష్టం తెచ్చిపెట్టిన హీరోయిన్ మరెవరో కాదు అనుష్క. లక్ష్మీ మంచు హోస్ట్ చేస్తున్న ఓ టాక్ షోలో భాగంగా ఓ ఎపిసోడ్ అనుష్కతో ప్లాన్ చేశారట.

లక్ష్మీ మంచు (Manchu Lakshmi) అడిగిన తర్వాత ఏ స్టార్ కూడా షోకి గెస్ట్ గా రాను అని అనరు. అనుష్క కూడా తప్పకుండా వస్తాను అని చెప్పిందట. కాకపోతే ‘భాగమతి’ షూటింగ్ షెడ్యూల్ మారడంతో అనుష్క.. మంచు లక్ష్మీ టాక్ షోకి హాజరు కాలేకపోయిందట. ఆ షో కోసం చేసిన ఏర్పాట్లు అన్నీ వేస్ట్ అయిపోయాయి. ఫలితంగా రూ.3 కోట్లు నష్టం వచ్చిందని లక్ష్మీ మంచు ఓ సందర్భంలో చెప్పుకొచ్చింది.