Manchu Lakshmi: మంచు లక్ష్మీ కెరీర్లో ది బెస్ట్ రోల్.. చాలా ధైర్యం చేసింది!

మంచు ఫ్యామిలీ లక్ష్మీ సోషల్ మీడియాలో ఎప్పుడూ మార్మోగే పేరు.ఇంగ్లీష్ ను ఈమె మాట్లాడే తీరు చూస్తే… ఎక్కువ పాష్ గా ప్రవర్తించాలి అనే తపన కనిపిస్తుంటుంది. అందుకే ఈమె ఇంగ్లీష్ మాట్లాడే తీరు పై చాలా ట్రోలింగ్ జరుగుతుంది. మీమ్స్ కూడా ఎక్కువగా వైరల్ అవుతూ ఉంటాయి. కొత్తగా ఆమె ఏం మాట్లాడినా మీమ్స్ వేసుకునేందుకు మీమర్స్ రెడీగా ఉంటారు. అవన్నీ పక్కన పెడితే… మంచు లక్ష్మీ హోస్ట్ చేసిన టాక్ షోలు అన్నీ సూపర్ హిట్ అయ్యాయి.

అందులో ఆమె ఎక్స్పర్ట్ అనే చెప్పాలి. అలాగే మంచు లక్ష్మీ ఇండస్ట్రీలో ఉన్న అందరితో చాలా సన్నిహితంగా ఉంటుంది. సోషల్ యాక్టివిటీస్ కూడా ఎక్కువగా చేస్తుంటుంది. మంచు లక్ష్మీ ఎంతో మందికి సాయం చేసింది. ఎంతో మంది ఆర్ఫాన్స్ కు కూడా ఈమె సాయం చేసిన సందర్భాలు ఉన్నాయి. ఇక ‘అనగనగా ఓ ధీరుడు’ ‘ఊ కొడతారా ఉలిక్కి పడతారా’ ‘దొంగాట’ వంటి పలు సినిమాల్లో నటించిన మంచు లక్ష్మీ.. ఏ సినిమాల్లోనూ గ్లామర్ షో చేసింది లేదు.

దానికి ఈమె చాలా వరకు దూరంగా ఉంటూ వచ్చింది.అయితే ఇప్పుడు ఓ సినిమాలో లెస్బియన్ గా కనిపించి అందరికీ షాక్ ఇచ్చింది. మలయాళ స్టార్ హీరో మోహన్ లాల్ హీరోగా తెరకెక్కిన ‘మాన్‌స్టర్’ మూవీలో దుర్గ అనే పనిమనిషి క్యారెక్టర్ చేసింది మంచు లక్ష్మీ. 2011లో హరియాణాలో ఇద్దరమ్మాయిలు పెళ్లి చేసుకుంటారు. దాన్ని వ్యతిరేకిస్తూ అక్కడి ప్రజలు వాళ్లను కొట్టి పంపించేస్తారు. ఆ తర్వాత వాళ్లు ఏం చేశారు అనే పాయింట్ తో ‘మాన్‌స్టర్’ స్టోరీ ఉంటుంది.

ఈ సినిమాలో భామిని పాత్రలో హనీ రోజ్ చేయగా, దుర్గ అనే పాత్రను మంచు లక్ష్మీ పోషించారు. వీళ్ళిద్దరూ లెస్బియన్స్ గా కనిపించి.. లిప్ లాక్ సన్నివేశాల్లో, ఇంటిమేట్ సన్నివేశాల్లో చాలా ధైర్యం చేసి నటించింది. ఈ మూవీలో ఓ రకంగా లక్ష్మీ మంచు విలన్. మోహన్ లాల్ తో ఫైట్ కూడా చేసింది. ఆమె కెరీర్లో ఇది బెస్ట్ రోల్ అని కొంతమంది నెటిజన్లు కామెంట్లు పెడుతున్నారు.

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!