Manchu Manoj: గర్వంగా ఉందంటూ మంచు లక్ష్మి పై ప్రశంసలు కురిపించిన మనోజ్!

మంచు మనోజ్ తాజాగా తన అక్క మంచు లక్ష్మిపై ప్రశంసల కురిపిస్తూ సోషల్ మీడియా వేదికగా పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది.ఈ విధంగా మంచు మనోజ్ తన అక్కను పొగుడుతూ ఇలాంటి పోస్ట్ చేయడానికి గల కారణం ఏంటి అనే విషయానికి వస్తే… మంచు లక్ష్మి హాలీవుడ్ ఇండస్ట్రీలో పలు సినిమాలు సీరియల్స్ లో నటిస్తూ తిరిగి ఇండియాకి వచ్చారు. ఇక్కడ కూడా ఈమె మోహన్ బాబు వారసురాలిగా ఇండస్ట్రీలో కొనసాగుతూ వ్యాఖ్యాతగా నిర్మాతగా నటిగా ఇండస్ట్రీలో ఎంతో మంచి గుర్తింపు పొందారు.

ఇలా ఇండస్ట్రీలో మంచి గుర్తింపు సంపాదించుకున్నటువంటి మంచు లక్ష్మి సామాజిక సేవ కార్యక్రమాలలో కూడా చాలా చురుగ్గా పాల్గొంటున్నారు. అయితే ఈమె చేస్తున్నటువంటి మంచి పనులపై తన తమ్ముడు ఈమెను ప్రశంసిస్తూ సోషల్ మీడియా వేదికగా పోస్ట్ చేశారు. కార్పొరేట్ స్కూల్స్ లో పిల్లలకు ధీటుగా ప్రభుత్వ పాఠశాలలో పిల్లలు చదువుకోవాలన్న ఆకాంక్షతో మంచు లక్ష్మి టీచ్ ఫర్ చేంజ్ అనే కార్యక్రమం ద్వారా తెలంగాణ ఆంధ్ర ప్రదేశ్ లోనే పలు ప్రభుత్వ పాఠశాలలను దత్తత తీసుకొని ఆ స్కూల్ పిల్లలకు కావలసిన మౌలిక వసతులను ఏర్పాటు చేస్తున్నారు.

అదేవిధంగా డిజిటల్ తరగతులు, స్పోకెన్ ఇంగ్లీష్ క్లాసులను ఏర్పాటు చేస్తూ కార్పొరేట్ పాఠశాలలకు దీటుగా పేద విద్యార్థులను కూడా ముందుకు తీసుకెళ్లడం కోసం ప్రయత్నాలు చేస్తున్నారు. ఇప్పటికే ఈమె ఆంధ్రప్రదేశ్ తెలంగాణలో దాదాపు 500 పాఠశాలలను దత్తత తీసుకొని ఈ పాఠశాల మౌలిక వసతులను చూసుకుంటున్నారు.అయితే తాజాగా గద్వాల్ జిల్లాలోని మరో 30 పాఠశాలలను ఈమె దత్తత తీసుకున్నారు.

ఈ విధంగా విద్యార్థుల కోసం వారి భవిష్యత్తు కోసం మంచు లక్ష్మి చేస్తున్నటువంటి ఈ మంచి పని పై ప్రతి ఒక్కరు ప్రశంసలు కురిపిస్తున్నారు. ఈ క్రమంలోనే మంచు మనోజ్ (Manchu Manoj) ఈ విషయం గురించి స్పందిస్తూ అక్క నిన్ను చూస్తుంటే చాలా గర్వంగా ఉంది అంటూ చేసినటువంటి పోస్ట్ వైరల్ అవుతుంది

‘జవాన్’ ట్రైలర్ పై ట్రెండ్ అవుతున్న 15 మీమ్స్!

ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!