శనివారం రోజు నాడు మంచు మనోజ్ (Manchu Manoj), మౌనిక దంపతులకు పండంటి ఆడపిల్ల జన్మించిన సంగతి తెలిసిందే. ఈ విషయాన్ని తెలుపుతూ ఈ దంపతులు సోషల్ మీడియాలో పెట్టిన పోస్ట్ కూడా బాగా వైరల్ అయ్యింది. దీని ద్వారా మనోజ్ స్పందిస్తూ.. “మేము నలుగురం అయ్యాం. దేవుళ్ల ఆశీర్వాదంతో మా ఇంటికి దేవత వచ్చింది. మేము ఎంతగానో ఎదురు చూస్తున్న బేబీ వచ్చేసింది.అన్న అయినందుకు ధైరవ్ ఆనందానికి హద్దుల్లేవు. ఆమెను మేము ముద్దుగా ఎం ఎం పులి (మనోజ్, మౌనిక) అని పిలస్తున్నాము.
మా కుటుంబంపై ఆ పరమశివుని ఆశీస్సులు ఎల్లప్పుడూ ఉండాలని కోరుకుంటున్నాం. మమ్మల్ని ఆశీర్వదించండి’ అంటూ AIతో డిజైన్ చేసిన ఓ ఫోటోని షేర్ చేశాడు మనోజ్. ఆ ఫొటోలో ‘పులి ఒడిలో పడుకున్న పాప ఉంది. ఇక నిన్న రాత్రి భూమా మౌనికని హాస్పిటల్ నుండీ డిశ్చార్జ్ చేసినట్లు తెలుస్తుంది. తర్వాత మనోజ్, మౌనిక..లు పాపతో కలిసి హాస్పిటల్ నుండీ ఇంటికి వచ్చారు. కొందరు అభిమానులు, సన్నిహితులు మనోజ్ ఇంటికి పాపని చూడటానికి వచ్చారు.
దిష్టి తీసి ఇంట్లోకి తల్లి బిడ్డను ఆహ్వానించారు బంధుమిత్రులు, కుటుంబ సభ్యులు.దీనికి సంబంధించిన వీడియో ఇప్పుడు వైరల్ అవుతుంది. ‘మంచు వారింటికి మహాలక్ష్మీ’ అంటూ కొందరు కామెంట్లు పెడుతున్నారు.మంచు విష్ణుకి కూడా ముగ్గురు ఆడపిల్లలు ఉన్న సంగతి తెలిసిందే. ఇప్పుడు మనోజ్ కి పుట్టిన పాపతో కలిపి మంచు వారింట్లో నలుగురు ఆడపిల్లలు ఉన్నారన్న మాట.
View this post on Instagram
