మంచు మనోజ్ ఈ మధ్య కాలంలో కెరీర్ పరంగా మళ్లీ బిజీ అవుతున్నారు. ఒకవైపు ఉస్తాద్ టాక్ షోకు హోస్ట్ గా వ్యవహరిస్తున్న మనోజ్ మరోవైపు వరుస సినిమాలతో బిజీగా ఉన్నారు. మౌనిక తన జీవితంలోకి వచ్చిన తర్వాతే కెరీర్ పరంగా ప్లస్ అయిందని చెబుతున్న మనోజ్ 2023 క్రిస్మస్ పండుగ సమయంలో నా నుంచి అభిమానులకు సర్ప్రైజ్ రాబోతుందని కామెంట్లు చేశారు. నేను, నా భార్య పిల్లలకు సంబంధించి ఒకటి చేయబోతున్నామని మనోజ్ తెలిపారు.
దాని కోసమే రిలయన్స్ తో చేతులు కలిపామని ముంబైలో దానిని ఆవిష్కరించనున్నామని మనోజ్ పేర్కొన్నారు. నా ఇన్నేళ్ల విరామానికి నేను చేసే పని జవాబులా ఉండబోతుందని మనోజ్ చెప్పుకొచ్చారు. అందరిలో ఉన్న ఎన్నో సందేహాలకు జవాబు దొరకనుందని మనోజ్ కామెంట్లు చేయడం గమనార్హం. ఈ విరామం పర్సనల్ లైఫ్ లో మంచి చేసిందని ఆయన తెలిపారు.
ఏడు సంవత్సరాల గ్యాప్ లో ఎన్నో కొత్త విషయాలను నేర్చుకున్నానని మనోజ్ పేర్కొన్నారు. మనోజ్ చెప్పిన విషయాలు నెట్టింట వైరల్ అవుతున్నాయి. మొదటి మూడు సంవత్సరాలు మనో ధైర్యాన్ని కోల్పోయి చాలా చీకటిని చూశానని ఆ సమయంలో మౌనిక నా లైఫ్ లోకి వచ్చి వెలుగులు నింపిందని మనోజ్ వెల్లడించారు. లైఫ్ పై ఆశను చిగురింపజేసిందని మనోజ్ అభిప్రాయపడ్డారు.
సినిమాలపై నాకున్న ప్రేమను, నన్ను లవ్ చేసే ఫ్యాన్స్ ప్రేమను అప్పుడే అర్థం చేసుకోగలిగానని ఆయన అన్నారు. మనోజ్ వాట్ ద ఫిష్ సినిమాతో బిజీగా ఉండగా ఎలాంటి ఫలితాన్ని అందుకుంటుందో చూడాల్సి ఉంది. మనోజ్ తర్వాత సినిమాలతో ఎలాంటి ఫలితాలను సొంతం చేసుకుంటారో చూడాల్సి ఉంది. రీఎంట్రీ మనోజ్ కు కెరీర్ పరంగా కలిసిరావాలని ఫ్యాన్స్ ఫీలవుతున్నారు. (Manchu Manoj) మనోజ్ ను అభిమానించే ఫ్యాన్స్ సంఖ్య అంతకంతకూ పెరుగుతోంది.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
