మంచు విష్ణు సినీ కెరీర్లో బిగ్‌ డే మరో రోజులో రాబోతోంది. అదేనండీ ‘జిన్నా’ సినిమా రేపే విడుదల కాబోతోంది. అయితే నెల తర్వాత మరో ఆసక్తికరమైన రోజు రాబోతోంది. ఆ రోజు విష్ణు అభిమానులకే కాదు.. మొత్తంగా మంచు కుటుంబం అభిమానులకే పండగ లాంటి రోజు అని చెప్పొచ్చు. అవును, నవంబరు 22న విష్ణు నుండి బిగ్‌ అనౌన్స్‌మెంట్స్‌ ఉంటాయి అని చెబుతున్నాడు. ‘జిన్నా’ సినిమా ప్రచారంలో భాగంగా విష్ణు ఈ మాట చెప్పాడు. దీంతో ఏమై ఉండొచ్చా అని అందరూ ఆసక్తిగా ఎదురుచూస్తున్నారు.
2019లో ‘ఓటర్‌’ సినిమాతో ప్రేక్షకుల ముందుకొచ్చి విష్ణు.. రెండేళ్ల వరకు సినిమాలు విడుదల చేయలేదు. ఎంతో ప్రతిష్ఠాత్మకంగా తెరకెక్కించిన ‘మోసగాళ్లు’ థియేటర్లలో ప్రేక్షకులను మోసం చేసింది. భారీ విజయం పక్కా అని ప్రచారంలో ఊదరగొట్టడంతో అందరూ ఆశతో సినిమాకు వెళ్తే తేడా కొట్టింది. ఇప్పుడు మళ్లీ ఏడాదికి ‘జిన్నా’తో ప్రేక్షకుల ముందుకొస్తున్నాడు. ఇదేంటి బాగా లేట్‌ అవుతోంది కదా అని అభిమానులు, నెటిజన్లు విష్ణును అంటున్నారు. ఈ మాటలన్నీ విన్నాడో, చూశాడో ఏమో జోరు పెంచాలని ఫిక్స్‌ అయ్యాడు.
2023లో విష్ణు భారీగా సినిమాలు చేయాలని ఫిక్స్‌ అయ్యాడు అంటున్నారు. దీని కోసం ఏకంగా ఏడు సినిమాల హక్కులు కొనుగోలు చేశాడట. ఈ మధ్యే ఈ విషయం ప్రకటించాడు విష్ణు. అంతేకాదు ఆ సినిమాల గురించి నవంబరు 22న ప్రకటిస్తాను అని కూడా చెప్పాడు. ఏయే సినిమాల హక్కులు కొనుగోలు చేసింది, ఎప్పుడు చేయబోయేది లాంటి విషయాలు ఆ రోజు చెబుతారట. అందులో ఓ సినిమా గురించి ఇప్పటికే వివరాలు వచ్చేశాయి అనుకోండి.
మలయాళంలో మంచి వజియం అందుకున్న ‘ఆండ్రాయిడ్‌ కుంజప్పన్‌’ అదేనండీ తెలుగులో ఆహాలో వచ్చిన ‘ఆండ్రాయిడ్‌ కట్టప్ప’ను తెలుగులో రీమేక్ చేస్తారట. ఇది కాకుండా మిగిలిన ఆరు సినిమాల వివరాలు నవంబరు 22న వస్తాయి. అయితే అన్నింటిలో విష్ణునే హీరోనా, లేక నిర్మాతగా ఉంటారా అనేది తెలియాలి. అయితే ‘ఢీ అంటే ఢీ’ కూడా ఈ లెక్కలోకి వస్తుందా లేఆ అనేది తెలియదు.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
