Manchu Vishnu: అది చాలా పెద్ద విషయమంటున్న మంచు విష్ణు!

May 16, 2022 / 02:13 PM ISTByFilmy Focus

Join Us

Manchu Vishnu: అది చాలా పెద్ద విషయమంటున్న మంచు విష్ణు!

టాలీవుడ్ హీరోలలో ఒకరైన మంచు విష్ణు మూవీ ఆర్టిస్ట్ అసోసియేషన్ ఎన్నికల్లో ఇచ్చిన హామీల వల్లే మా అధ్యక్షుడిగా విజయం సాధించారు. తాజాగా మీడియాతో ముచ్చటించిన మంచు విష్ణు ఆసక్తికర విషయాలను ఫ్యాన్స్ తో పంచుకున్నారు. మూవీ ఆర్టిస్ట్ అసోసియేషన్ సభ్యుల సంక్షేమం, ఆరోగ్యం తన ప్రధాన కర్తవ్యమని ఆయన అన్నారు. ఏఐజీ ఆస్పత్రిలో వైద్య శిబిరం నిర్వహించిన విష్ణు మరో ఆరు నెలల్లో మూవీ ఆర్టిస్ట్ అసోసియేషన్ భవనానికి భూమి పూజ చేస్తానని తెలిపారు.

మూవీ ఆర్టిస్ట్ అసోసియేషన్ కు భవనం నిర్మించడానికి అవసరమైన చర్యలను చేపట్టామని ఆయన చెప్పుకొచ్చారు. మూవీ ఆర్టిస్ట్ అసోసియేషన్ సభ్యుల ఆరోగ్యం, సంక్షేమం తన ప్రధాన కర్తవ్యం అని ఆయన కామెంట్లు చేశారు. నా కమిటీతో కలిసి అందుకు సంబంధించిన ప్రణాళికలను సిద్ధం చేశానని విష్ణు వెల్లడించారు. సినిమా టికెట్ ధరల వివాదం గురించి స్పందించిన విష్ణు టికెట్ రేట్ల విషయంలో తనపై చాలా విమర్శలు వచ్చాయని తెలిపారు.

సినిమా టికెట్ రేట్ల విషయంలో తాను కావాలనే సైలెంట్ గా ఉన్నానని ఆయన కామెంట్లు చేశారు. టికెట్ ధరలను పెంచితే కొంతమందికి ఇబ్బందులు ఉంటాయని టికెట్ ధరలను తగ్గిస్తే మరి కొందరికి ఇబ్బందులు ఉంటాయని విష్ణు పేర్కొన్నారు. టికెట్ రేట్లు చాలా పెద్ద విషయం అని ఆయన అభిప్రాయపడ్డారు. ఫిల్మ్ ఛాంబర్, తెలుగు ఫిల్మ్ ప్రొడ్యూసర్ కౌన్సిల్ టికెట్ రేట్ల విషయంలో ఒక నిర్ణయం తీసుకుంటే బాగుంటుందని విష్ణు కామెంట్లు చేశారు.

ఏడాదిన్నర తర్వాత జరగబోయే మూవీ ఆర్టిస్ట్ అసోసియేషన్ ఎన్నికల్లో ప్రకాష్ రాజ్ మళ్లీ పోటీ చేస్తారని జీవిత చేసిన కామెంట్ల వల్లే విష్ణు ప్రెస్ మీట్ పెట్టి ఈ కామెంట్లు చేశారని పలువురు అభిప్రాయపడుతున్నారు. మంచు విష్ణు మూవీ ఆర్టిస్ట్ అసోసియేషన్ భవనాన్ని నిర్మిస్తే మాత్రమే ఏడాదిన్నర తర్వాత జరిగే ఎన్నికల్లో విష్ణు ప్యానల్ కు అనుకూల ఫలితాలు వస్తాయి.