ప్రభాస్ హీరోగా ఓం రౌత్ డైరెక్షన్ లో తెరకెక్కిన ఆదిపురుష్ మూవీ టీజర్ పై మెజారిటీ ప్రేక్షకుల నుంచి నెగిటివ్ కామెంట్లు వినిపించాయనే సంగతి తెలిసిందే. సెలబ్రిటీలలో కొంతమంది సైతం ఆదిపురుష్ టీజర్ ఆకట్టుకోలేదని అభిప్రాయం వ్యక్తం చేశారు. అయితే మంచు విష్ణు తాజాగా ఆదిపురుష్ టీజర్ గురించి నెగిటివ్ కామెంట్లు చేశారని సోషల్ మీడియాలో వార్తలు ప్రచారంలోకి వచ్చాయి. ఒక ఆంగ్ల పత్రికకు ఇచ్చిన ఇంటర్వ్యూలో మంచు విష్ణు మాట్లాడుతూ ఈ కామెంట్లు చేశాడని ప్రచారం జరిగింది.
అయితే ఈ కామెంట్ల గురించి మంచు విష్ణు స్పందిస్తూ క్లారిటీ ఇచ్చారు. తాను ప్రభాస్ ఆదిపురుష్ సినిమా గురించి నెగిటివ్ కామెంట్లు చేసినట్టు వైరల్ అయిన వార్తల్లో ఏ మాత్రం నిజం లేదని మంచు విష్ణు అన్నారు. ఎవరో ఐటెం రాజా ఇలాంటి వార్తలను పుట్టించారని మంచు విష్ణు చెప్పుకొచ్చారు. జిన్నా మూవీ రిలీజ్ కు ముందు ఎవరో కావాలనే ఫేక్ న్యూస్ ను ప్రచారంలోకి తెచ్చే ప్రయత్నం చేస్తున్నారని మంచు విష్ణు అన్నారు.
నా సోదరుడైన ప్రభాస్ గురించి, ప్రభాస్ మూవీ గురించి నేను ఎందుకు అలా మాట్లాడతానని మంచు విష్ణు వెల్లడించారు. మంచు విష్ణు క్లారిటీతో ప్రభాస్ అభిమానులు కూల్ అవుతారేమో చూడాల్సి ఉంది. ఈ నెల 21వ తేదీన జిన్నా మూవీ థియేటర్లలో రిలీజ్ కానుంది. పాయల్ రాజ్ పుత్, సన్నీ లియోన్ ముఖ్య పాత్రల్లో ఈ సినిమాలో నటించగా భారీ బడ్జెట్ తోనే ఈ సినిమా తెరకెక్కింది.
ఈ సినిమాతో మంచు విష్ణు కోరుకున్న సక్సెస్ సాధించాలని ఫ్యాన్స్ భావిస్తున్నారు. మరోవైపు ఆదిపురుష్ సినిమా 2023 సంవత్సరం జనవరి నెలలో థియేటర్లలో రిలీజ్ కానుంది. ప్రభాస్ కు, మంచు విష్ణుకు మధ్య గ్యాప్ పెంచాలని కొంతమంది ఈ తరహా వార్తలను ప్రచారం చేసినట్టు సమాచారం అందుతోంది.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
