Karate Kalyani: కరాటే కళ్యాణికి షోకాజ్ నోటీస్ జారీ చేసిన విష్ణు.. అసలేమైందంటే?

May 16, 2023 / 07:23 PM ISTByFilmy Focus

Join Us

Karate Kalyani: కరాటే కళ్యాణికి షోకాజ్ నోటీస్ జారీ చేసిన విష్ణు.. అసలేమైందంటే?

తెలుగులో తక్కువ సినిమాలే చేసినా భారీ స్థాయిలో పాపులారిటీని సొంతం చేసుకున్న సెలబ్రిటీలలో కరాటే కళ్యాణి ఒకరు. బిగ్ బాస్ షో ద్వారా కూడా కరాటే కళ్యాణి పాపులర్ అయ్యారు. పలు వివాదాల ద్వారా వార్తల్లో నిలిచిన కరాటే కళ్యాణి ఎన్టీఆర్ విగ్రహావిష్కరణ విషయంలో చేసిన కామెంట్లు సోషల్ మీడియాలో హాట్ టాపిక్ అయిన సంగతి తెలిసిందే. కృష్ణుడి రూపంలో ఉన్న ఎన్టీఆర్ విగ్రహాన్ని ఆవిష్కరించవద్దని ఆమె సంచలన వ్యాఖ్యలు చేశారు.

ఈ నెల 28వ తేదీన ఖమ్మం జిల్లాలో సీనియర్ ఎన్టీఆర్ విగ్రహావిష్కరణ జూనియర్ ఎన్టీఆర్ చేతుల మీదుగా జరుగుతుండగా ఈ విగ్రహం విషయంలో అనవసర వివాదాలను సృష్టిస్తుండటంపై నెటిజన్ల నుంచి తీవ్రస్థాయిలో నెగిటివ్ కామెంట్లు వినిపిస్తున్న సంగతి తెలిసిందే. పబ్లిసిటీ కోసం కొంతమంది కావాలని కృష్ణుని రూపంలో ఉన్న ఎన్టీఆర్ విగ్రహం విషయంలో అభ్యంతరాలు చెబుతున్నారని కామెంట్లు వ్యక్తమవుతున్నాయి.

అయితే ( Karate Kalyani) కరాటే కళ్యాణి చేసిన కామెంట్లు తన దృష్టికి రావడంతో మంచు విష్ణు ఆమెకు మూవీ ఆర్టిస్ట్ అసోసియేషన్ తరపున షోకాజ్ నోటీస్ జారీ చేసినట్టు తెలుస్తోంది. సీనియర్ ఎన్టీఆర్ విగ్రహావిష్కరణకు కరాటే కళ్యాణి అడ్డు తగలడంతో పాటు ఇష్టానుసారం చేస్తున్న కామెంట్ల వల్ల ఈ నోటీస్ జారీ అయిందని తెలుస్తోంది. అయితే కరాటే కళ్యాణి మీడియాతో మాట్లాడుతూ ఎన్టీఆర్ విగ్రహావిష్కరణకు అడ్డు తగలవద్దని మంచు విష్ణు కోరారని చెప్పుకొచ్చారు.

తాను మాత్రం యాదవ హక్కుల పరిరక్షణ కోసం పని చేస్తానని కృష్ణుడి రూపంలో ఉన్న ఎన్టీఆర్ విగ్రహాన్ని ఆవిష్కరించడాన్ని తాను వ్యతిరేకిస్తున్నానని ఆమె కామెంట్లు చేశారు. రాబోయే రోజుల్లో ఈ వివాదం ఎలాంటి మలుపు తిరుగుతుందో చూడాలి. కరాటే కళ్యాణి విషయంలో మంచు విష్ణు ఘాటుగా రియాక్ట్ కావడంపై నందమూరి ఫ్యాన్స్ సంతోషంగా ఫీలవుతున్నారు. సీనియర్ ఎన్టీఆర్ విగ్రహావిష్కరణకు ఎలాంటి ఇబ్బందులు కలగకూడదని ఫ్యాన్స్ కోరుకుంటున్నారు.