సడన్ గా మూవీ అర్టిస్ట్‌ అసోసియేషన్‌(మా) అధ్యక్షుడు మంచు విష్ణు.. నిర్మాత దిల్ రాజు సమావేశమవ్వడం హాట్ టాపిక్ అయ్యింది. అందుకు సంబంధించిన ఫోటో ఒకటి సోషల్ మీడియాలో వైరల్ అవుతుంది. గురువారం నాడు ఉదయం మా కార్యాలయానికి దిల్ రాజు వెళ్లడం జరిగింది. మంచు విష్ణుతో ఆయన చాలా సేపు ముచ్చటించడం జరిగింది. ఈ సందర్భంగా షూటింగ్స్‌ బంద్‌, మా సభ్యులకు సినిమా అవకాశాలు వంటి అంశాల పై ముచ్చటించారు అని స్పష్టమవుతుంది.
ఇదే విషయాన్ని కొద్దిసేపటి క్రితం మంచు విష్ణు కూడా తన ట్విట్టర్ ద్వారా ఈ విషయాన్ని కన్ఫర్మ్ చేస్తూ ఓ ట్వీట్ వేశాడు. దిల్ రాజును కలిసిన ఫోటోని కూడా ఆయనే షేర్‌ చేశాడు. ‘‘మా’ సభ్యులకు తమ సినిమాల్లో ఎక్కువ అవకాశాలు కల్పించాలని, అలాగే కొత్తవారు ‘మా’ సభ్యత్వం పొందేలా ప్రోత్సహించాలని దిల్ రాజును కోరినట్లు విష్ణు పేర్కొన్నాడు. మా సంక్షేమ కమిటి వారి వినతి పత్రాన్ని కూడా విష్ణు… దిల్ రాజుకు అందజేయడం ఆ ఫొటోలో చూడవచ్చు.
దిల్ రాజుని మాత్రమే కాదు ‘మా’ సభ్యులకు సినిమా అవకాశాలు ఇవ్వాలని టాలీవుడ్ అగ్ర నిర్మాతలను కలవబోతున్నాడట మంచు విష్ణు. ఇందులో భాగంగా ముందుగా ఆయన దిల్ రాజుని కలిసినట్టు స్పష్టమవుతుంది. ఇక్కడి వరకు బాగానే ఉంది కానీ మరి ‘మా’ భవనం సంగతేంటి? అంటూ కొంతమంది నెటిజన్లు మంచు విష్ణుని ప్రశ్నిస్తున్నారు.
ఇటీవల జయసుధ ఓ ఇంటర్వ్యూలో పాల్గొని మంచు విష్ణు.. మా ఎలక్షన్స్ కు ముందు ఇచ్చిన హామీలు ఏవీ నిర్వర్తించలేదని, మా భవనం గురించి అయితే ఆయనకు సంబంధం లేదన్నట్టు వ్యవహరిస్తున్నాడు అని ఆమె విమర్శలు చేసిన సంగతి తెలిసిందే.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
