మొన్న జరిగిన “గాయత్రి” ఆడియో విడుదల వేడుక సినిమాకి పబ్లిసిటీ తీసుకురావడంలో ఎంతవరకూ సక్సెస్ అయ్యింది అనే విషయం తెలియదు కానీ.. లేనిపోని రచ్చ చేయడంలో మాత్రం బాగా ఉపయోగపడింది. సదరు ప్రీరిలీజ్ ఈవెంట్ లో మంచు విష్ణు చేసిన అల్లరి అంతా ఇంతా కాదు. ముఖ్యంగా శ్రేయతో విష్ణు చేసిన హంగామా యూట్యూబ్ లో ట్రెండ్ అవ్వగా.. అనసూయను “నువ్వు చిన్నపిల్లవేం కాదు” అని కామెంట్ చేయడం సోషల్ మీడియాలో హల్ చల్ అయ్యింది.
ఇక మంచు మనోజ్ మాట్లాడేప్పుడు శ్రియ తన పర్సనల్ ఫేవరెట్ అని కామెంట్ చేయడం చర్చనీయాంశం అయ్యింది. అలాగే మోహన్ బాబు మాట్లాడుతూ “సినిమా ఫ్లాప్ అయితే భార్యలు కూడా పక్కకి రానివ్వరు, శ్రేయా ఎక్కువసేపు నా పక్కన ఉండకు” అనడం కూడా సోషల్ మీడియాలో సెన్సేషన్. ఇంత హల్ చల్ చేసిన “గాయత్రి” ఆడియో రిలీజ్ సినిమా మీద జనాలకు ఏమేరకు ఇంట్రెస్ట్ క్రియేట్ చేస్తుందో తెలియదు కానీ.. ట్రైలర్ మాత్రం ఆసక్తి కలిగించేలా ఉంది. మదన్ దర్శకత్వంలో తెరకెక్కిన ఈ చిత్రం ఫిబ్రవరి 9న విడుదలవుతోంది. ఈ చిత్రంలో మోహన్ బాబు నెగిటివ్ షేడ్ ఉన్న క్యారెక్టర్ లో కనిపించనుండగా.. మంచు విష్ణు ఓ ప్రత్యేక పాత్రలో నటిస్తున్నాడు.
Home