మెగా హీరోలు చిరంజీవి సినిమాల్లోని సూపర్ హిట్ పాటలకు రీ మిక్స్ చేసి హిట్ అందుకుంటున్నారు. కళ్యాణ్ రామ్ కూడా పటాస్ సినిమాలో బాలయ్య బాబాయ్ పాట రీమిక్స్ చేసి అదరగొట్టాడు. ఇలా తమ వాళ్ల పాటలనే కాదు సినిమాను కూడా తెరకెక్కించే పనిలో పడ్డారు నేటి హీరోలు. నాగ చైతన్య తన తండ్రి కింగ్ నాగార్జున రొమాంటిక్ సినిమా “నిన్నేపెళ్ళాడుతా”ని రీమేక్ చేసేందుకు అంగీకారం తెలిపాడు. ప్రస్తుతం ఈ జాబితాలో మంచు విష్ణు చేరాడు.
డైలాగ్ కింగ్ మోహన్ బాబుకి మంచి పేరు తెచ్చిన సినిమాల్లో అసెంబ్లీరౌడీ ఒకటి. బి.గోపాల్ దర్శకత్వంలో వచ్చిన ఈ సినిమాకు పరుచూరి బ్రదర్స్ మాటలు బలం చేకూర్చాయి. ఈ సినిమా విడుదలై పాతికేళ్లు పూర్తి చేసుకుంది. ఈ సందర్భంగా మంచు విష్ణు అసెంబ్లీరౌడీని రీమేక్ చేయాలని నిర్ణయం తీసుకున్నాడు. నేటి పరిస్థితులకు అనుగుణంగా కథలో స్వల్ప మార్పులు చేసి తెరకెక్కించడానికి పనులు మొదలు పెట్టాడు. మోహన్ బాబుకి సినీ జీవితంలో ఓ మెయిలు రాయిగా నిలిచినా ఈ సినిమా .. మంచు విష్ణుకు కూడా మంచి హిట్ అందివ్వాలని ఆశిద్దాం.
