సరిగ్గా నాలుగు రోజుల క్రితం జూన్ 10న మంగ్లీ (Mangli) పుట్టినరోజు సందర్భంగా ఏర్పాటు చేసిన ఓ ప్రైవేట్ పార్టీని పోలీసులు ముట్టడించి నానా హడావుడి చేసిన విషయం అందరికీ తెలిసిందే. ఏకంగా డ్రగ్స్ కేస్ అంటూ హల్ చల్ చేశారు. దాంతో.. మంగ్లీ (Mangli) ఒక వీడియో స్టేట్మెంట్ కూడా రిలీజ్ చేయాల్సి వచ్చింది.
అయితే.. ఇంకా కేస్ నడుస్తూనే ఉండగా, నిన్న తెలంగాణ గద్దర్ ఫిలిం అవార్డ్స్ ఈవెంట్లో మంగ్లీ పెర్ఫార్మ్ చేయడం ఎన్నో అనుమానాలకు తావిచ్చింది. నిజానికి బి.ఆర్.ఎస్ పార్టీకి మద్దతుగా మంగ్లీ పాటలు పాడేది. ఎన్నో ఈవెంట్లు, ఎన్నో స్పెషల్ సాంగ్స్ పాడింది. కాంగ్రెస్ పార్టీకి మాత్రం ఒక్క పాట కూడా పాడలేదు.
ఆ విషయమై పార్టీ కార్యకర్తలు మంగ్లీపై గుర్రుమన్నారు కూడా. మంగ్లీ విషయంలో ఆంధ్రప్రదేశ్ లో తెలుగుదేశం పార్టీ కార్యకర్తలు కూడా కోప్పడ్డారు, పార్టీ కోసం ఒక పాట పాడడానికి కూడా ఇష్టపడని మంగ్లీకి గుడిలో విఐపీ దర్శనం ఇప్పించడం అనేది పెద్ద చర్చకు దారి తీసింది.
అయితే.. నిన్న ఈవెంట్లో మంగ్లీ పాటలు పాడడం అనేది ఎన్నో అనుమానాలకు దారి తీసింది. మంగ్లీ ఇష్టం లేకపోయినా పాడింది అని కొందరు అంటే, రేవంత్ రెడ్డి ప్రభుత్వం భయపెట్టి మరీ పాడించింది అని ఇంకొందరు కామెంట్ చేశారు. ఈ విషయాల్లో వాస్తవం ఎంత అనేది తెలియదు కానీ.. స్టేజ్ మీద మంగ్లీ సంతోషంగా, మనస్ఫూర్తిగా పాడలేదు అనేది ఆమె పాత ఈవెంట్లు చూస్తే ఎవరికైనా ఈజీగా అర్థమవుతుంది.
