సంగీత దిగ్గజం ఇళయరాజా తర్వాత..ఆయన రేంజ్లో మెలోడీస్ తో ఇంప్రెస్ చేసిన సంగీత దర్శకులుగా మణిశర్మ గురించే ఎక్కువగా చెబుతూ ఉంటారు. ఇప్పుడు పెద్ద సినిమాకి సంగీత దర్శకులు అంటే.. తమన్, దేవి శ్రీ ప్రసాద్, అనిరుధ్ .. వంటి వారు ఫస్ట్ ఛాయిస్ గా ఉన్నారు. కానీ ఒకప్పుడు పెద్ద సినిమాకి సంగీత దర్శకుడు అంటే మణిశర్మనే పెద్ద దిక్కుగా ఉండేవారు. చిరంజీవి, బాలకృష్ణ, వెంకటేష్, నాగార్జున వంటి సీనియర్ స్టార్ హీరోల సినిమాల కోసం దర్శక నిర్మాతలు మణిశర్మ కాల్ షీట్ల కోసం ఆయన ఇంటి వద్ద క్యూలో నిలబడ్డ సందర్భాలు కూడా ఉన్నాయంటే అది అతిశయోక్తి అనిపించుకోదు.
ఇప్పుడు ఇంకా కొత్త మ్యూజిక్ డైరెక్టర్లు ఎంట్రీ ఇచ్చినప్పటికీ అప్పుడప్పుడు తన మార్క్ మ్యూజిక్ తో ప్రేక్షకులను మెప్పిస్తున్నారు మణిశర్మ. ఇదిలా ఉండగా.. మణిశర్మ ఓ నిర్మాత కూడా అనే సంగతి ఎక్కువ మందికి తెలిసుండదు. అవును.. మణిశర్మ ఓ సినిమాని కూడా నిర్మించారు. అదే ‘రూపాయి’ అనే సినిమా..! చాలా మందికి ఈ సినిమా ఎప్పుడు వచ్చిందో.. ఎప్పుడు వెళ్ళిపోయిందో తెలీదు.
తాజాగా ఈ సినిమా గురించి (Mani Sharma) మణిశర్మ స్పందించారు. ఇటీవల ఓ ఇంటర్వ్యూలో ‘మీరు ‘రూపాయి’ అనే సినిమాని నిర్మించారు కదా మళ్ళీ ఎందుకు నిర్మాతగా సినిమా చేయలేదు’ అంటూ యాంకర్ ప్రశ్నించగా..” ఆ ‘రూపాయి’ సినిమాకి దమ్మిడీ కూడా రాలేదు. అందుకే..” అన్నట్టు ఫన్నీ ఆన్సర్ ఇచ్చారు మణిశర్మ. అందుకు సంబంధించిన వీడియో ఇప్పుడు వైరల్ అవుతుంది.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
