‘నారప్ప’ టీమ్ తో రాజీ కుదురుతుందా..?

ఒకప్పుడు టాప్ మ్యూజిక్ డైరెక్టర్ గా గుర్తింపు తెచ్చుకున్న మణిశర్మ.. కొన్నాళ్లపాటు ఇండస్ట్రీకి దూరమయ్యారు. మళ్లీ తిరిగి సినిమాలకు పని చేయడం మొదలుపెట్టారు. ఈ క్రమంలో కొన్ని మ్యూజికల్ హిట్స్ తన ఖాతాలో వేసుకున్నారు. ఇండస్ట్రీలో వివాద రహిత టెక్నీషియన్ గా ఆయనకి మంచి పేరుంది. ఎలాంటి వివాదాల జోలికి పోకుండా.. సైలెంట్ గా తన పని తాను చేసుకుంటారు. సినిమా మేకింగ్ సమయంలో మ్యూజిక్ డైరెక్టర్ కి, దర్శకులతో క్రియేటివ్ డిఫరెన్సెస్ రావడం కామన్.

అలాంటి చిన్న చిన్న గొడవలు జరిగినప్పటికీ.. అవెప్పుడూ బయటకి రాలేదు. కానీ తాజాగా మణిశర్మకి ఓ దర్శకుడితో ఏర్పడిన వివాదం కారణంగా ఆయన ప్రాజెక్ట్ నుండి బయటకి వచ్చేస్తున్నట్లు సమాచారం. శ్రీకాంత్ అడ్డాల రూపొందిస్తోన్న ‘నారప్ప’ సినిమాకి మణిశర్మ మ్యూజిక్ డైరెక్టర్ గా పని చేస్తున్నారు. ఈ సినిమాకి మ్యూజిక్ అందించే విషయంలో తనకు స్వేచ్ఛ ఇవ్వడం లేదంటూ కొన్నిరోజుల క్రితం మణిశర్మ ఓ ఇంటర్వ్యూలో చెప్పిన సంగతి తెలిసిందే. ఈ వీడియో బాగా వైరల్ అయింది.

అయితే ఇటీవల దర్శకుడు శ్రీకాంత్ అడ్డాలతో మణిశర్మకి విభేదాలు తీవ్రమయ్యాయని.. దీంతో మణిశర్మ ప్రాజెక్ట్ నుండి వాకౌట్ చేసే పరిస్థితి వచ్చిందని అంటున్నారు. అయితే దీనిగురించి ఇంకా సమాచారం బయటకి రాలేదు కానీ ఓ క్రేజీ ప్రాజెక్ట్ నుండి మణిశర్మ బయటకి రావడం సరైన నిర్ణయం కాదనే అభిప్రాయాలు వినిపిస్తున్నాయి. సురేష్ ప్రొడక్షన్స్ సంస్థ ఈ సినిమాను నిర్మిస్తుంది. మరి సురేష్ బాబు ఈ గొడవలో ఇన్వాల్వ్ అయి సద్దుమణిగేలా చేస్తారేమో చూడాలి!

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!