మొన్న విడుదలైన “మన్మధుడు 2” టీజర్ ఇచ్చిన షాక్ నుంచి జనాలు ఇంకా తేరుకోలేదు. అప్పుడెప్పుడో 2002లో వచ్చిన “మన్మధుడు” సినిమాకి సీక్వెల్ అంటే అందరూ అదే ఫార్మాట్ క్లాసిక్ కామెడీని ఎక్స్ పెక్ట్ చేయగా.. రాహుల్ రవీంద్రన్ మాత్రం కాస్త గట్టి షాక్ ఇచ్చాడు. ముఖ్యంగా నాగార్జున రొమాన్స్ ను ఆయన హార్డ్ కోర్ ఫ్యాన్స్ సైతం జీర్ణించుకోలేకపోయారు.
ఇది సరిపోదన్నట్లు “మన్మహుడు 2” ఒక హాలీవుడ్ సినిమాకి రీమేక్ అని వస్తున్న వార్తలు ఇప్పుడు మరింతగా గుబులు పుట్టిస్తున్నాయి. 2000 సంవత్సరంలో హాలీవుడ్ లో విడుదలైన “వాట్ ఉమెన్ వాంట్” అనే హాలీవుడ్ సినిమా ఆధారంగా “మన్మధుడు 2” తెరకెక్కుతోందట. ఈ విషయాన్ని ఓ ప్రముఖ ఆంగ్ల పత్రిక “ఇట్స్ కన్ఫర్మ్డ్, మన్మ్ఢుడు 2 ఈజ్ ఏ రీమేక్” అనే హెడ్డింగ్ తో ప్రచురించడంతోపాటు.. ఈ విషయం బయటకు తెలిస్తే.. జనాలు ఇంటర్నెట్ లో ఆ సినిమాను చూసి.. “మన్మధుడు 2″ను ఆ సినిమాతో కంపర్ చేయడం మొదలెడతారని టీం భయపడుతోందట. నిన్నటివరకూ తెలిసిపోతుందని భయపడ్డారు బాగానే ఉంది, ఇప్పుడు విషయం పబ్లిక్ అయిపోయింది.. మరి ఇప్పుడు ఏమంటారో చూడాలి.
