‘మన్మధుడు2’ టీజర్ కు చిన్మయి బలైంది?

తాజాగా ‘మన్మధుడు2’ టీజర్ విడుదలైంది. అదే రోజు ‘సాహో’ చిత్రం టీజర్ కూడా విడుదలైంది. దీంతో ‘మన్మధుడు 2’ టీజర్ ను ఎక్కువమంది పట్టించుకోలేదు.. కానీ ఇప్పుడు ఆ టీజర్ బాగా వైరల్ అవుతుంది. దీనికి కారణం చిన్మయి. అదేంటి సింగర్ కు ఈ సినిమాకి సంబంధమేంటి అనేగా మీ డౌట్.? చిన్మయి భర్త రాహుల్ రవీంద్రనే ఈ చిత్రాన్ని డైరెక్ట్ చేశాడు. ఈ టీజర్లో 6 పదుల వయసున్న నాగార్జునతో.. సగం వయసు కూడా లేని అమ్మాయిలతో రొమాన్స్ చేయించాడు రాహుల్.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

ఈ సంవత్సరం మొదట్లో ”వయసు మళ్ళిన హీరోలు తమ సినిమాలలో కూతురు వయసుండే హీరోయిన్లతో రొమాన్స్ చేయడం ఇండియన్ ఫిల్మ్ ఇండస్ట్రీలో జరుగుతూనే ఉంది. ఇది ఇంకా ఆగలేదు.. ఆగిందా..?” అంటూ ఓ పోస్ట్ పెట్టింది చిన్మయి. అయితే.. ఇప్పుడు తన భర్త రాహుల్ రవీంద్రన్ రూపొందించిన ‘మన్మథుడు 2’ చిత్రాన్ని ప్రమోట్ చేస్తూ వస్తుంది. ఈ చిత్రంలో కూడా నాగార్జున … తన వయసులో సగం కంటే తక్కువ ఉన్న హీరోయిన్లతో రొమాన్స్ చేస్తున్నాడు. దీంతో నెటిజన్లు చిన్మయిని టార్గెట్ చేసారు. ‘పబ్లిసిటీ కోసం అప్పట్లో పోస్ట్ లు పెట్టి.. ఇప్పుడు మాత్రం నీ భర్త ఇలాంటి సినిమాలు చేస్తుంటే ఎలా ప్రోత్సహిస్తున్నావ్ అంటూ ఆమెని ట్రోల్ చేస్తున్నారు. ‘చీప్ పబ్లిసిటీ కోసం వెంపర్లాడడానికి సిగ్గుగా లేదా..? అంటూ ఓ రేంజ్ లో చిన్మయిని ఆడేసుకుంటున్నారు. ఇప్పుడు ఈ టాపిక్ సోషల్ మీడియాలో వైరల్ గా మారింది. మరి ఈ కామెంట్స్ కు చిన్మయి ఎలా రియాక్ట్ అవుతుందో చూడాలి..!