Mansoor, Trisha: త్రిష గురించి గొప్పగా చెప్పాను.. మన్సూర్ కామెంట్స్ వైరల్!

కోలీవుడ్ ఇండస్ట్రీలో నటుడిగా తనకంటూ ప్రత్యేక గుర్తింపును సొంతం చేసుకున్న మన్సూర్ అలీ ఖాన్ ఇప్పటికే పలు వివాదాల ద్వారా వేర్వేరు సందర్భాల్లో వార్తల్లో నిలిచారు. త్రిష గురించి అసభ్యంగా మన్సూర్ చేసిన కామెంట్లు నెట్టింట వైరల్ అయ్యాయి. మన్సూర్ అలీ ఖాన్ కామెంట్లపై ఇప్పటికే త్రిష, లోకేశ్ కనగరాజ్ ఫైర్ కాగా పలువురు సెలబ్రిటీలు సైతం మన్సూర్ తీరుపై ఘాటుగా రియాక్ట్ అయ్యారు.
తన వ్యాఖ్యలపై నెగిటివిటీ అంతకంతకూ పెరుగుతున్న నేపథ్యంలో మన్సూర్ అలీ ఖాన్ స్పందించి నెగిటివిటీని తగ్గించుకునే ప్రయత్నం అయితే చేశారు.

మన్సూర్ అలీ ఖాన్ రిలీజ్ చేసిన లేఖలో త్రిషను తాను ఎంతగానో గౌరవిస్తున్నానని ఆమెపై సదభిప్రాయం ఉందని మన్సూర్ అలీ ఖాన్ చెప్పుకొచ్చారు. నేను ఇంటర్వ్యూలో త్రిష గురించి గొప్పగా చెప్పానని ఆయన కామెంట్లు చేశారు. అయితే వివాదాలను సృష్టించాలనే ఆలోచనతో ఎడిట్ వీడియోను ప్రచారంలోకి తెచ్చారని మన్సూర్ అలీ ఖాన్ అన్నారు. పాత సినిమాలలో హీరోయిన్లతో నటించే ఛాన్స్ రాలేదని సరదాగా నా ఆవేదనను వ్యక్తం చేశానే తప్ప త్రిష గురించి నేనేమీ అనలేదని ఆయన తెలిపారు.

వీడియోను తప్పుగా ఎడిట్ చేసి త్రిషకు చూపించారని మన్సూర్ అలీ ఖాన్ కామెంట్లు చేశారు. తోటి నటిమణులను నేనెప్పుడూ గౌరవిస్తానని ఆయన చెప్పుకొచ్చారు. ఈ విషయం తనతో పని చేసే వారందరికీ తెలుసని మన్సూర్ అలీ ఖాన్ అభిప్రాయం వ్యక్తం చేశారు. 2024 లోక్ సభ ఎన్నికల్లో తాను పోటీ చేయనున్న నేపథ్యంలో సినీ, రాజకీయ ప్రయాణానికి ఇబ్బందులు సృష్టించడానికి ఈ తరహా ప్రచారం చేస్తున్నారని ఆయన అభిప్రాయపడ్డారు.

మన్సూర్ అలీ ఖాన్ (Mansoor)  చేసిన కామెంట్స్ నెట్టింట వైరల్ అవుతున్నాయి. మన్సూర్ అలీ ఖాన్ వివాదంపై స్పందించిన నేపథ్యంలో ఈ వివాదం సద్దుమణుగుతుందేమో చూడాల్సి ఉంది. ఈ వివాదం వల్ల మన్సూర్ కు సినిమా ఆఫర్లు తగ్గే ఛాన్స్ అయితే ఉంది.

జపాన్ సినిమా రివ్యూ & రేటింగ్!

జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!