మూడు సినిమాలు.. ఏదీ వర్కవుట్ కాలేదు!

March 20, 2021 / 01:26 PM ISTByFilmy Focus

Join Us

సినీ అభిమానులు శుక్రవారం వస్తుందంటే ఏ సినిమాకి వెళ్దామా..? అని చూస్తుంటారు. సినిమా చూడకపోతే వీకెండ్ మజా ఉండదు. లాక్ డౌన్ అనంతరం ప్రతీ వారం మూడు, నాలుగు సినిమాలు థియేటర్ల వద్ద సందడి చేస్తున్నాయి. అందులో ఏదో ఒక సినిమా వర్కవుట్ అవుతూ ప్రేక్షకుల్లో హుషారు నింపుతోంది. గత వారం మూడు సినిమాలు విడుదల కాగా.. మూడింటికీ మంచి ఓపెనింగ్స్ వచ్చాయి. అందులో ‘జాతిరత్నాలు’ సినిమాకి మంచి హిట్ టాక్ వచ్చింది. దీంతో ఈ వారం విడుదలైన సినిమాలపై కూడా ప్రేక్షకులు ఆశలు పెట్టుకున్నారు.

కానీ వారికి నిరాశే ఎదురైంది. ఈ వారం ‘చావు కబురు చల్లగా’, ‘శశి’, ‘మోసగాళ్ళు’ సినిమాలు విడుదలయ్యాయి. మూడు సినిమాలకు కూడా ప్లాప్ టాక్ వచ్చింది. ప్రమోషన్స్ బాగా చేయడంతో ‘చావు కబురు చల్లగా’ సినిమాకి కొంతలో కొంత ఓపెనింగ్స్ వచ్చాయి. కానీ సినిమాకి వస్తోన్న టాక్ ని బట్టి చూస్తుంటే శని, ఆదివారాల్లో టికెట్లు తెగేలా కనిపించడం లేదు. ఇక మంచు విష్ణు నటించిన ‘మోసగాళ్ళు’ సినిమా భారీ స్కామ్ సబ్జెక్ట్ తో ప్రేక్షకుల ముందుకు వచ్చింది.

కాజల్, సునీల్ శెట్టి లాంటి నటులు ఉండడంతో సినిమాపై బజ్ క్రియేట్ అయింది. ట్రైలర్ కూడా ఆకట్టుకోవడంతో ఈసారి విష్ణు సక్సెస్ అందుకుంటారని అంతా అనుకున్నారు. కానీ సినిమా చూసిన ఆడియన్స్ పెదవి విరుస్తున్నారు. ఈ రెండు సినిమాలతో పాటు విడుదలైన ‘శశి’ సినిమాకి కనీసపు ఓపెనింగ్స్ కూడా రాలేదు. ఆసక్తిలేని కథాకథనాలతో ప్రేక్షకుల సహనానికి పరీక్ష పెట్టారు. మొత్తానికి ఈ శుక్రవారం విడుదలైన మూడు చిత్రాల్లో ఏదీ వర్కవుట్ కాక ప్రేక్షకులను నిరాశ పరిచాయి!