ఛార్మీ రిలేషన్ షిప్ లో ఉన్నది ఎవరితోనబ్బా.!

ఇప్పుడంటే ఛార్మీని సరిగా గుర్తుపట్టేవారు తగ్గిపోయారు కానీ.. “శ్రీ ఆంజనేయం, చక్రం, పౌర్ణమి, రాఖీ” చిత్రాల టైమ్ లో అందరి కలల రాకుమారి ఛార్మీ. ఇప్పుడు రకుల్, సమంత ఎంజాయ్ చేస్తున్న స్టార్ స్టేటస్ ను ఛార్మీ ఎంజాయ్ చేసేది. అందం, అభినయం సమపాళ్లలో ఉన్న ఈ అమ్మడికి భీభత్సమైన ఫ్యాన్ ఫాలోయింగ్ ఉండేది. కానీ.. కాలక్రమేణా సినిమాల్లో అవకాశాలు తగ్గి ప్రస్తుతం ప్రొడక్షన్ చూసుకొంటున్న ఛార్మీ పెళ్లి ఎప్పుడా అని అందరూ ఎదుచూస్తున్న తరుణంలో సడన్ బాంబ్ పేల్చింది ఛార్మీ (Charmy Kaur). అసలు తనకు పెళ్లి మీద ఆసక్తి లేదని చెప్పడంతోపాటు రిలేషన్ షిప్ లో ఎమోషన్స్ అన్నీ కృత్రిమంగా ఉంటాయని చెప్పుకొచ్చింది ఇటీవల ఓ పత్రికకు ఇచ్చిన ఇంటర్వ్యూలో.

అంతే కాక తాను కెరీర్ తొలినాళ్లలో ఒకరితో రిలేషన్ లో ఉండేదాన్నని, ఆ రిలేషన్ షిప్ సరిగా వర్కవుట్ అవ్వకపోవడంతో తనకు ప్రేమ, పెళ్లి బాంధవ్యాల మీద నమ్మకం పోయిందని వివరించింది ఛార్మీ. ప్రస్తుతం తనకు పూరీ కనెక్ట్స్ మరియు ప్రొడక్షన్ మాత్రమే ఇంపార్టెంట్ అని వేరే విషయాలేవీ తాను పట్టించుకొనే స్థితిలో లేనని చెప్పేసింది. దాంతో ఛార్మీ పెళ్లి చేసుకోకుండా ఉండిపోవాలని నిర్ణయించుకొందనే విషయంతోపాటు అమ్మడు ఇండస్ట్రీ సంబంధీన ఒక వ్యక్తితో కొన్నాళ్లపాటు లివ్ ఇన్ రిలేషన్ లో ఉందనేది స్పష్టమైంది. దాంతో.. ఇప్పుడు ఆ వ్యక్తి ఎవరా అనే చర్చ మొదలైంది ఫిలిమ్ నగర్ లో.