‘భలే భలే మగాడివోయ్’ సినిమాకి ముందు మారుతి బాగోతం ఏంటో అందరికీ తెలిసిందే. యూత్ పేరుతో బూతు సినిమాలు తీసిన ఘనత అతడిది. అయితే ‘భలే భలే’తో వచ్చిన పేరుని కాపాడుకోవటానికి దర్శకుడిగా అటువంటి చిత్రాలు చేయకపోయినా తాను రాసిన కథల కోసం నిర్మాతగా మారి ఆ ముచ్చట కాస్త తీర్చుకుంటున్నాడు. ఇకపోతే వేరే వ్యక్తికి అవకాశం ఇవ్వకుండా ‘బాబు బంగారం’ ఆడియోలో తనకు తానే స్టార్ డైరెక్టర్ గా ప్రమోషన్ కొట్టానని ఒకటికి పదిసార్లు చెప్పుకున్న ఇతగాడు ఇప్పుడో చిన్న హీరోతో సినిమా చేయనున్నాడు.
నువ్విలా, జీనియస్, రామ్ లీల వంటి సినిమాలు చేసిన హవీష్ తో మారుతి తన తర్వాతి సినిమా చేయనున్నాడు. ఈ హీరోతో చేయాటానికి గల కారణమేమిటని ఈ ‘స్టార్ డైరక్టర్’ని అడుగగా “హీరో ఎవరన్నది కథే నిర్ణయిస్తుందని, ఈ కథకి హవీష్ కరెక్ట్ హీరో’ అని సమర్థింపు సమాధానమిచ్చాడు. ‘భలే..’ సినిమాతో బన్నీ లాంటి స్టార్ హీరోని లైన్లో పెట్టాలనుకుని ‘బాబు బంగారం’ ఫలితంతో ఈ స్థితి పట్టిందన్నది అందరూ అనుకుంటున్నదే. ‘భలే..’ సినిమాని నిర్మించిన యూవీ క్రియేషన్స్ సంస్థ ఈ సినిమా నిర్మిస్తుండటం విశేషం.
https://www.youtube.com/watch?v=XSwO_u1QhjA
