Santosh Shobhan: యంగ్ హీరోతో మారుతి ప్లాన్!

దర్శకుడు మారుతి-గోపీచంద్ కాంబినేషన్ లో ‘పక్కా కమర్షియల్’ అనే సినిమా తెరకెక్కుతోన్న సంగతి తెలిసిందే. లాక్ డౌన్ కారణంగా ఈ సినిమా షూటింగ్ ఆగింది. అయితే మారుతి సైలెంట్ గా మరో చిన్న సినిమా మొదలుపెట్టినట్టు తెలుస్తోంది. ఈ లాక్ డౌన్ సమయంలో ఓ స్క్రిప్ట్ రాసుకున్న మారుతి ఇప్పుడు దాన్ని సినిమాగా మలుస్తున్నాడట. ఇటీవల ‘ఏక్ మినీ కథ’ సినిమాతో హిట్ అందుకున్న సంతోష్ శోభన్ హీరోగా మారుతి సినిమాను తెరకెక్కిస్తున్నాడు.

ఇప్పటికే హైదరాబాద్ అల్యూమినియం ఫ్యాక్టరీలో సినిమా షూటింగ్ కూడా మొదలుపెట్టినట్లు సమాచారం. లాక్ డౌన్ నిబంధనలను ఉల్లఘించకుండా అతడి తక్కువ మంది సిబ్బందితో షూటింగ్ చేస్తున్నారట. ఈ సినిమాలో హీరోయిన్ గా మెహ్రీన్ కనిపించబోతుందని సమాచారం. నిజానికి మెహ్రీన్ కి ఈ మధ్యకాలంలో అవకాశాలు రావడం లేదు. ప్రస్తుతం ఆమె చేతిలో ‘ఎఫ్ 3’ సినిమా మాత్రమే ఉంది. అందుకే పెళ్లి చేసుకోవడానికి రెడీ అయింది. ఇటీవల ఎంగేజ్మెంట్ కూడా జరిగింది. కానీ కరోనా కారణంగా పెళ్లి వాయిదా పడింది.

దీంతో మెహ్రీన్ మరోసారి నటిగా బిజీ అవ్వాలనుకుంటుంది. .ఈ క్రమంలో మారుతి సినిమా ఆఫర్ రాగానే అంగీకరించిందట. సంతోష్ శోభన్ లాంటి కుర్ర హీరోతో మెహ్రీన్ రొమాన్స్ చేయడానికి రెడీ అయింది. నిజానికి సంతోష్.. మెహ్రీన్ కంటే వయసులో చిన్నవాడు. మరి ఆన్ స్క్రీన్ ఈ జంట కెమిస్ట్రీ ఎలా వర్కవుట్ అవుతుందో చూడాలి!

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!