Meenakshi: హీరోల గురించి మీనాక్షి చౌదరి కామెంట్స్‌ వైరల్‌.. ఏం చెప్పిందంటే?

మీనాక్షి చౌదరి (Meenakshi Chaudhary)  నిన్న మొన్నటి వరకు గోల్డెన్‌ లెగ్‌ అన్నారు. అయితే ఇప్పుడు ‘మట్కా’(Matka)  సినిమా వచ్చాక పరిస్థితి మారింది అనుకోండి. అయితే ఇక్కడో విషయం ఏంటంటే.. ఆమె నెక్స్ట్‌ సినిమాలు కాస్త ప్రామిసింగ్‌గానే ఉన్నాయి. అందులో ఒకటి ‘మెకానిక్‌ రాకీ’(Mechanic Rocky) . నిన్న మొన్నటి వరకు హైప్‌, బజ్‌ లేకుండా ఆపిన విశ్వక్‌సేన్‌ (Vishwak Sen) ఇప్పుడు వాటిని బయటకు తీశారు. ఈ క్రమంలో మీడియా ముందుకు వచ్చిన మీనాక్షి చౌదరి తన హీరోల గురించి మాట్లాడింది.

Meenakshi

‘గుంటూరు కారం’  (Guntur Kaaram)  సినిమాలో మహేశ్‌ బాబు (Mahesh Babu) కలసి నటించిన మీనాక్షి చౌదరి.. ఆయన చాలా క్రమశిక్షణగా ఉంటారని చెప్పింది. ఇక ‘ది గోట్‌’ (The Greatest of All Time)  సినిమాలో కలసి పని చేసిన అనుభవంతో విజయ్‌ (Vijay Thalapathy)   గురించి మాట్లాడుతూ ఆయన ఎప్పుడూ ఒకేలా ఉంటారని, ఎలాంటి పరిస్థితుల్లో అయినా ఆయన ఆలోచన ఒకేలా ఉంటుందని చెప్పింది. ఇక ‘లక్కీ భాస్కర్‌’ (Lucky Baskhar) హీరో దుల్కర్‌ సల్మాన్‌ (Dulquer Salmaan) వినయం అంటే తనకు ఇష్టమని చెప్పింది.

లేటెస్ట్‌ రిలీజ్‌ ‘మట్కా’ హీరో వరుణ్ తేజ్‌ది  (Varun Tej)  కంప్లీట్‌ జెంటిల్‌ మ్యాన్‌ అని చెప్పింది. ‘మెకానిక్‌ రాకీ’ హీరో విశ్వక్‌ సేన్‌ ఎప్పుడూ సరదాగా ఉంటాడని, ఎనర్జిటిక్‌గా ఉంటాడని చెప్పింది. అయితే ఆమె రీసెంట్‌గా నటించిన వారి గురించే మాత్రం అక్కడ చెప్పింది. మిగిలిన వాళ్ల గురించి ఆమె ఈసారి బయటకు వచ్చినప్పుడు అడిగి తెలుసుకోవాలి.

అయితే, ఇప్పుడు ఆమె చేతిలో కొత్త సినిమాలేవీ లేవు. 2021లో ‘ఇచ్చట వాహనములు నిలపరాదు’ సినిమాతో కెరీర్‌ ప్రారంభించిన మీనాక్షి ఇప్పటివరకు వరుసగా సినిమాలు చేస్తూనే ఉంది. ఈ ఏడాది ఆమె నుండి ఆరు సినిమాలు వచ్చాయి. అయితే ఎందుకో కానీ ఇటీవల ఏ కొత్త సినిమాలూ ఓకే చేయడం లేదు. మరోవైపు ఓ కుర్ర హీరోతో ఆమె పెళ్లి అని ఈ మధ్య వార్తలొచ్చాయి. త్వరలోనే ఈ విషయంలో క్లారిటీ వస్తుంది అంటున్నారు. చూద్దాం ఏం తేలుతుందో?