టాలీవుడ్‌లో ఏ హీరోయిన్‌ ఎప్పుడు బిజీ అవుతుంది, ఎప్పుడు వరుస అవకాశాలు సంపాదిస్తుంది, ఎప్పుడు అన్ని అవకాశాలు పోతాయి, ఎప్పుడు సినిమా ఛాన్స్‌లు రావు అనేది చెప్పడం చాలా కష్టం. ఒక్క సినిమా కూడా చేతిలో లేని ఓ నాయిక ఇప్పుడు వరుస సినిమాలతో బిజీ అయిపోయింది. ఆమెనే మీనాక్షి చౌదరి. ప్రస్తుతం ఈ భామ సినిమాల జోరు పెంచుతోంది. ఈ క్రమంలో ఓ మాస్‌ మూవీకి ఓకే చెప్పింది అని అంటున్నారు.
‘ఖిలాడీ’, ‘హిట్ 2’ అంటూ మంచి విజయాలు అందుకున్న మీనాక్షి చౌదరి.. ఆ తర్వాత కొత్త సినిమాలేవీ ఓకే చేయలేదు. దీంతో ఏంటీ అమ్మడు సైలెంట్‌ అయిపోయింది అనుకున్నారు. కానీ హఠాత్తుగా మహేష్ బాబు ‘గుంటూరు కారం’ సినిమా ఛాన్స్‌ పట్టేసింది. ఇప్పుడు మరో అవకాశం అందుకుంది. వరుణ్ తేజ్ హీరోగా కరుణ కుమార్‌ తెరకెక్కిస్తున్న కొత్త చిత్రంలో నాయికగా నటించనుంది. ఈ విషయాన్ని టీమ్‌ అధికారికంగా ప్రకటించింది కూడా.
1960 నేపథ్యంలో ఉత్తరాంధ్ర ప్రాంతంలో సాగే చిత్రమిది అని సమాచారం. ఈ సినిమాలో (Varun Tej) వరుణ్ మునుపెన్నడూ చూడని సరికొత్త అవతారంలో కనిపించనున్నాడట. ఉత్తరాంధ్ర ప్రాంతంలో పెద్ద వ్యసనంగా మారి, ఎన్నో కుటుంబాలను ఇబ్బంది పెట్టిన ‘మట్కా’ అనే ఆట చుట్టూ ఈ సినిమా తిరుగుతుందట. ఇందులో హీరోయిన్‌ పాత్ర కూడా చాలా కీలకంగా ఉంటుంది అని అంటున్నారు. ఇక ఈ సినిమా ఈ నెల 27న హైదరాబాద్‌లో ప్రారంభం కానుంది.
ఇక మీనాక్షి సంగతి చూస్తే… తెలుగులో విష్వక్‌ సేన్‌తో ఓ చిత్రంలో నటిస్తోంది. ఇవి కాకుండా మరికొన్ని సినిమాలు చర్చల దశలో ఉన్నాయట. త్వరలోనే వాటినీ అనౌన్స్‌ చేస్తారట. ఇక వరుణ్ తేజ్ సంగతి చూస్తే… ‘గాండీవధారి అర్జున’ సినిమా చివరి దశకొచ్చింది. ఈ సినిమా ఆగస్టు 25న విడుదల చేస్తున్నారు. ఇక ఈ సినిమాతోపాటు ఓ పాన్‌ ఇండియా సినిమా కూడా పట్టాలెక్కుతోంది. త్వరలోనే ఆ సినిమా అప్‌డేట్స్‌ కూడా వస్తాయి.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
Home