మెగా ఫ్యామిలీ నుంచి వస్తున్న మరో హీరో .!

ఖైదీ నంబర్ 150 సినిమాలో మెగాస్టార్ చిరంజీవి “పొగరు నా ఒంట్లో ఉంటది. హీరోయిజం నా ఇంట్లో ఉంటది”.. అని డైలాగ్ చెప్పారు. అవును మెగా కుటుంబంలో ఇప్పటికే అత్యధికమంది హీరోలు ఉన్నారు. అన్నతో కలిసి నటుడిగా నాగబాబు వచ్చి  సక్సస్ అయ్యారు. చిన్న తమ్ముడు పవన్ కళ్యాణ్ హీరోగానే ఎంట్రీ ఇచ్చారు. ఆ తర్వాత అల్లు అర్జున్.. ఆ వెనుక రామ్ చరణ్.. వెంటవెంటనే సాయిధరమ్ తేజ్, వరుణ్ తేజ్, అల్లు శిరీష్ లు హీరోలుగా వచ్చి స్టార్ హీరోలుగా ఎదిగారు. రీసెంట్ గా మెగాస్టార్ చిన్న అల్లుడు కళ్యాణ్ దేవ్ హీరోగా రావడానికి నటనలో శిక్షణ తీసుకుంటున్నారు. ఈ లెక్కన చూస్తే తొమ్మిది మంది హీరోలు ఉన్నట్టే.

తాజాగా మరో హీరో రాబోతున్నట్టు ఫిలిం నగర్ వాసులు చెప్పారు. సాయి ధరమ్ తేజ్ తమ్ముడు వైష్ణవ్ తేజ్ హీరోగా పరిచయం చేయడానికి అన్ని ఏర్పాట్లు జరుగుతున్నాయి. ప్రస్తుతం కళ్యాణ్ దేవ్ సినిమాను నిర్మిస్తున్న సాయి కొర్రపాటి.. వైష్ణవ్ తేజ్ సినిమాని నిర్మించడానికి ఆసక్తి కనబరుస్తున్నట్టు టాక్.  ఈ సినిమాకు డైరక్టర్ కూడా ఫిక్స్ అయిపోయారు. వినూత్న కథలతో యువతను ఆకట్టుకుంటున్న శ్రీనివాస్ అవసరాల.. వైష్ణవ్ తేజ్ కోసం మంచి కథ రెడీ చేసినట్లు తెలిసింది. కళ్యాణ్ దేవ్ ఎంట్రీ తర్వాతనే వైష్ణవ్ తేజ్ గురించి మెగా కుటుంబం అధికారిక ప్రకటన చేయనుందని సమాచారం.