“మెగా వారసురాలు”…ఇబ్బంది పెడుతుంది!!!

టాలీవుడ్ టాప్ ఫ్యామిలీస్ లో ఒకటైన మెగా ఫ్యామిలీ నుంచి ఎంతో మంది హీరోలు వస్తూనే ఉన్నాయి…మెగా స్టార్ చిరంజీవి నుంచి ఆల్లు శిరీష్ వరకూ మెగా ఫ్యామిలీ నుంచి ఎందరో హీరోలు వచ్చారు. అందం, అభినయం మాట పక్కన పెడితే, మెగా ఫ్యామిలీకి ఉన్న అభిమానులు వారిని ఎప్పుడూ అభిమానిస్తూనే ఉన్నారు. అదే క్రమంలో మెగా ఫ్యామిలీ నుంచి తొలి సారి హీరోయిన్ గా ఎంట్రీ ఇస్తున్న భామ, మెగా బ్రదర్ డాటర్ కొనిదల నిహారిక.

రానున్న 24న నిహారిక మొదటి సినిమా “ఒక మనసు” విడుదలవనున్న నేపధ్యంలో ఈ సినిమాపై టెన్షన్ పడుతూ, మెగా ఫ్యామిలీపై కొన్ని సంచలన వ్యాఖ్యలు చేసింది నిహారిక. మెగా వారసురాలు అనే బాధ్యతను తాను అడగకపోయినా తన అభిమానులు ఇచ్చిన విషయాన్ని ప్రస్తావిస్తూ ఈపదం  ప్రెస్టిజియస్‌ గా కనిపిస్తున్నా  ఆ పదం తనకు చాలా టెన్షన్ గా మారింది అంటూ విలక్షణ వ్యాఖ్యలు చేసింది. అంతేకాకుండా తన  కంటే ముందు వేరేవేరే ఫ్యామిలీస్‌ నుండి హీరోయిన్స్‌ వచ్చిన సందర్భాన్ని ప్రస్తావిస్తూ వారు హీరోయిన్స్‌ గా కంటిన్యూ కాలేకపోయిన విషయం తనకు తరుచు గుర్తుకు వస్తూ ఉండటంతో ‘ఒక మనసు’ సినిమా రిజల్ట్ గురించి చాలా టెన్షన్ లో ఉన్నాను అంటుంది ఈ అమ్మడు.

ఇక సినిమా విషయానికి వస్తే…సినిమా ప్యూర్ లవ్ స్టోరీ అని, ఒకప్పటి ‘మరోచరిత్ర’, ‘గీతాంజలి’ చిత్రాలు లాగా, ఈ సినిమా కూడా ఎప్పటికీ గుర్తుఉండిపోయే లవ్ స్టోరీ అని చెబుతుంది. మరి ఈ సినిమా రిసల్ట్ ఎలా ఉండబోతుందో తెలియాలంటే మాత్రం ఇంకో 4రోజులు ఆగాల్సిందే.