సోషల్ మీడియా అంతా మెగా హీరోస్ మయం

మెగా హీరోలు తమ అభిమానులకు కొత్త సంవత్సరానికి భారీ కానుకలు ఇచ్చారు. పాటలు, మోషన్ పోస్టర్స్, ఫస్ట్ లుక్స్ ను వరుసగా విడుదల చేస్తూ సోషల్ మీడియాలో హంగామా చేస్తున్నారు. జనవరి ఫస్ట్ కి ఒకరోజు ముందుగానే వచ్చిన ఇవి ఫ్యాన్స్ లో జోష్ ని మరింత పెంచింది.
మాస్ సాంగ్ తో చిరు – మెగాస్టార్ చిరంజీవి తొమ్మిదేళ్ల తర్వాత హీరోగా నటిస్తున్న ఖైదీ నంబర్ 150 సినిమాలోని పాటలను వారం నుంచి ఒక్కొక్కటిగా యూట్యూబ్ లో రిలీజ్ చేస్తున్నారు. కొత్త సంవత్సరం సందర్బంగా నిన్న శుక్రవారం ‘రత్తాలు” అనే స్పెషల్ సాంగ్ ని రిలీజ్ చేసి సెలబ్రేషన్ ని షురూ చేశారు. ఈ పాట వ్యూస్ నిమిషానికి నిమిషానికి పెరిగిపోతూ చిత్ర బృందానికి కిక్ ఇస్తోంది.

కదం తొక్కిన ‘కాటమరాయుడు’ – డాలీ దర్శకత్వంలో తెరకెక్కుతోన్న కాటమరాయుడు చిత్రం ఫస్ట్ లుక్ దీపావళికి విడుదల చేసి శుభాకాంక్షలు తెలిపిన పవర్ స్టార్ పవన్ కళ్యాణ్.. జనవరి ఫస్ట్ కి స్టన్నింగ్ లుక్ తో కదం తొక్కారు. పవన్ ఫ్యాక్షన్ లీడర్ గెటప్ లో పౌరుషంగా ఉన్న మోషన్ పోస్టర్ సోషల్ మీడియాలో ప్రస్తుతం ట్రెండింగ్ లో ఉంది.

“విన్నర్” లుక్ – గోపీచంద్ మలినేని దర్శకత్వంలో మెగా హీరో సాయి ధరమ్ తేజ్ నటిస్తున్న ‘విన్నర్’ మూవీ పోస్టర్లు శనివారం నుంచి సోషల్ మీడియాలో సందడి చేస్తున్నాయి.

లవ్ “మిస్టర్” – మెగా ప్రిన్స్ వరుణ్ తేజ్ ఫ్యాన్స్ కి రెండు గిఫ్ట్ లు ఒకేసారి ఇచ్చారు. శ్రీను వైట్ల డైరెక్షన్లో ఆయన చేస్తున్న ‘మిస్టర్’ ఫస్ట్ లుక్ తో పాటు, టీజర్ ని అరగంట సమయంలో తేడాలో రిలీజ్ చేసి సెలబ్రేషన్ డోస్ పెంచారు. “మనం ప్రేమను వెతుక్కుంటూ వెళ్తే.. ప్రేమే మనల్ని వెతుక్కుంటూ వస్తుంది” అనే డైలాగ్ తో ప్రేమను పంచారు.

ఇలా సోషల్ మీడియా నిండా, అభిమానుల గుండె నిండా మెగా హీరోలు నిండిపోయి 2017 కి గ్రాండ్ గా స్వాగతం పలుకుతున్నారు.

Also, do SUBSCRIBE to our YouTube channel to get latest Tollywood updates.