చిరు కి తలనొప్పిగా మారిన ఉయ్యాలవాడ నరసింహారెడ్డి ?

టాలీవుడ్ లో 30ఏళ్లకు పైగా మెగాస్టార్ గా చక్రం తిప్పిన చిరు అనుకోకుండా పొలిటికల్ ఎంట్రీ ఇచ్చి అక్కడ పెద్దగా కలసి రాకపోవడంతో మళ్లీ టాలీవుడ్ లోకి రీ-ఎంట్రీ ఇచ్చాడు. దాదాపుగా 9ఏళ్ల తరువాత సెకెండ్ ఇన్నింగ్స్ స్టార్ట్ చేసిన చిరుకి అభిమానుల నుంచి మంచి ఆదరణ లభించింది అనే చెప్పాలి. ‘ఖైదీ నంబర్ 150’తో రీ ఎంట్రీ ఇచ్చిన చిరు మంచి హిట్ అందుకుని భారీ కలెక్షన్స్ సాదించాడు. అయితే రీమేక్ సినిమాతోనే మంచి హిట్ అందుకున్న మెగాస్టార్…ఇప్పుడు ఏకంగా ‘ఉయ్యాలవాడ నరసింహారెడ్డి’  అంటూ భారీ సినిమాకే స్కెచ్ వేశాడు. ఇక అక్కడ మొదలయింది అసలు మ్యాటర్…ఈ సినిమాను కమర్షియల్ సినిమాగా రూపొందించడానికి చిరంజీవి నానా ఇబ్బందులు పడుతున్నాడట. అంతేకాకుండా టాలీవుడ్ నుంచి వినిపిస్తున్న సమాచారం ప్రకారం…ఈ సినిమా  ప్ర్రారంభం అవడం లేట్ అవ్వడమే కాకుండా ఈ సినిమా బడ్జెట్ కూడ అత్యంత భారీ స్థాయికి చేరిపోయింది అని టాక్.

అదే క్రమంలో దర్శకుడు సురేంద్రద్రరెడ్డి ఈ సినిమాకు సంబంధించిన స్క్రిప్ట్ ను పూర్తి చేసినా అనుక్షణం చిరంజీవి ఈ స్క్రిప్ట్ విషయంలో అనేక మార్పులు చేర్పులు చేస్తూ ఉండటంతో ఈ మూవీ షూటింగ్ బాగా ఆలస్యం అవుతోంది. మరో పక్క ఈ మూవీని ఎట్టి పరిస్థితులలోను ఆగష్టులో వచ్చే చిరం జీవి పుట్టినరోజునాడు ప్రారంభించాలి అన్న ఉద్దేశంతో నిర్మాత రామ్ చరణ్ ఈ సినిమాకు సంబంధించి క్యాస్టింగ్ ను దాదాపుగా ఫైనల్ చేసిన్నట్లుగా తెలుస్తోంది. బాలీవుడ్ బ్యూటీ ఐశ్వర్య రాయ్ తో పాటు అనుష్క, నాయన తారాలను కూడ ఈ మూవీ ప్రాజెక్ట్ కోసం ఫైనల్ చేసినట్లు వార్తలు వస్తున్నాయి. ఇక ఇప్పటికీ కమర్షియల్ హంగులు అద్ది పూర్తి కధను కమర్షియల్ కధగా తయారు చేసేసారు మన పరుచూరి సోదరులు. మొత్తంగా చూసుకుంటే ఈ మ్యాటర్ అంతా చూస్తూ ఉంటే మెగాస్టార్ ఈ సినిమా విషయంలో కాస్త టెన్షన్ పడుతున్నాడు అన్న న్యూస్ బయట పడుతుంది. చూద్దాం మరి ఏం జరుగుతుందో.

Also, do SUBSCRIBE to our YouTube channel to get latest Tollywood updates.