మెగాస్టార్ భోళా మనిషి, మనసులో ఏదీ ఉంచుకోడు అని ఆయన అభిమానులు ముద్దుగా మాట్లాడుకుంటారు కానీ.. ఆ భోళాతనం ఇప్పుడు డైరెక్టర్స్ ను టెన్షన్ పెడుతొంది. “రంగస్థలం” ప్రీరిలీజ్ ఈవెంట్ లో ఆది పాత్ర చనిపోతాడని మెయిన్ పాయింట్ లీక్ చేసేసాడు చిరంజీవి. దానివల్ల సినిమాకి మంచి జరిగింది అది వేరే విషయం అనుకోండి. కానీ.. ప్రేక్షకుడికి కాస్త ఇంట్రెస్ట్ తగ్గింది అని చెప్పొచ్చు. అలాగే.. “ఓ పిట్ట కథ” ప్రీరిలీజ్ ఈవెంట్ కు గెస్ట్ గా వచ్చి “ఆచార్య” టైటిల్ ను అఫీషియన్ గా లీక్ చేసేసాడు చిరు.
ఆ విషయం మీద వచ్చిన మీమ్స్ & ట్రోల్స్ అప్పటికి ఏ విషయంలోనూ రాలేదు. అసలు మొన్న ఉదయ్ పూర్ లో జరిగిన నిహారిక పెళ్లి ఫోటోల కంటే చిరంజీవి లీకుల గురించి వచ్చిన మీమ్స్ ఎక్కువ వైరల్ అవ్వడం అనేది గమనార్హం. అయితే.. నిన్న “బిగ్ బాస్ 4” గ్రాండ్ ఫినాలేకి ముఖ్య అతిధిగా హాజరైన చిరంజీవి తన తదుపరి చిత్రం వేదాళం గురించి అఫిషియల్ గా ఎనౌన్స్ చేసేసారు.
ఇదివరకే టీవీ ఇంటర్వ్యూలో మెహర్ దర్శకత్వంలో ఒక సినిమా చేస్తున్నట్లు ప్రకటించినప్పటికీ.. నిన్న వేదాళం రీమేక్ అని ఎనౌన్స్ చేసేయడం సెంటర్ ఆఫ్ అట్రాక్షన్ గా మారింది. మెగా లీకులు మామూలుగుండవు అంటూ ట్రోల్ పేజస్ ఎప్పట్లానే హల్ చల్ చేయడం స్టార్ట్ అయ్యింది.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
