తక్కువ బడ్జెట్తో తెరకెక్కి, చిన్న సినిమాగా వచ్చిన ‘బేబి’ బాక్సాఫీస్ వద్ద ఊహించని స్థాయిలో భారీ విజయాన్ని సాధించింది. జూలై 14వ తేదీన రిలీజ్ అయిన ఈ మూవీ ఇప్పటికే సుమారు రూ.70కోట్లకుపైగా గ్రాస్ కలెక్షన్లను సాధించింది. దీంతో పాటు చాలా మంది హీరోలు, ప్రముఖుల నుంచి ప్రశంసలు పొందుతోంది బేబి సినిమా. ఐకాన్ స్టార్, పాన్ ఇండియా హీరో అల్లు అర్జున్ ఈ చిత్రంపై ప్రశంసల వర్షం కురిపించారు. సక్సెస్ ఈవెంట్కు హాజరయ్యారు. ఇప్పుడు, ఏకంగా మెగాస్టార్ చిరంజీవి..
బేబి మూవీ టీమ్ సెలెబ్రేషన్స్లో పాల్గొననున్నారు. మెగాకల్ట్ సెలెబ్రేషన్స్ పేరుతో ఈ ఈవెంట్ను బేబి మూవీ టీమ్ నిర్వహించనుంది. ఈ ఈవెంట్ డేట్, టైమ్ను వెల్లడించింది. మెగా కల్ట్ సెలెబ్రేషన్స్ ఈవెంట్ను నేడు (జూలై 30) నిర్వహించనున్నట్టు బేబి చిత్ర నిర్మాత శ్రీనివాస కుమార్ వెల్లడించారు. ఈరోజు సాయంత్రం 6 గంటలకు ఈవెంట్ మొదలవుతుందని తెలిపారు. చీఫ్ గెస్ట్గా మెగాస్టార్ చిరంజీవి (Chiranjeevi) ఈ ఈవెంట్కు హాజరుకానున్నారు. ఈ వివరాలను ట్వీట్ చేశారు ఎస్కేఎన్.
“కల్ట్ బ్లాక్బాస్టర్ ‘బేబి’.. మెగా ప్రశంసలను పొందేందుకు రెడీ అయింది. మెగా కల్ట్ సెలెబ్రేషన్స్ రేపు సాయంత్రం 6 గంటల నుంచి జరుగుతుంది” అని ఎస్కేఎన్ ట్వీట్ చేశారు. అయితే, ఈ ఈవెంట్ ఎక్కడ జరుగుతుందనేది పేర్కొనలేదు. బేబి చిత్రంలో ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రలు పోషించారు. ట్రయాంగిల్ హార్డ్ హిట్టింగ్ లవ్ స్టోరీగా ఈ చిత్రాన్ని తెరకెక్కించాడు దర్శకుడు సాయి రాజేశ్. ఎమోషనల్గా ఈ సినిమాను తీర్చిదిద్దాడు.
యూత్కు ఈ మూవీ బాగా కనెక్ట్ అవడంతో సూపర్ హిట్ అయింది. బేబి చిత్రంలో వైష్ణవి చైతన్య యాక్టింగ్కు ప్రశంసలు దక్కుతున్నాయి. ఇద్దరి ప్రేమ మధ్య నలిగిపోయే అమ్మాయిగా ఆమె చేసిన నటనకు అందరూ ఫిదా అయ్యారు. ఆనంద్ దేవరకొండ, విరాజ్ అశ్విన్ను కూడా బాగా నటించారు. విజయ్ బుల్గానిన్ సంగీతం ఈ చిత్రానికి ముందు నుంచి మంచి హైప్ తెచ్చింది. సినిమాకు మ్యూజిక్ చాలా ప్లస్ అయింది.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
