నిన్నగాక మొన్న ‘నితిన్ సరసన నిఖిల్ హీరోయిన్’ అంటూ ఫిల్మీఫోకస్ లో ఒక ఆర్టికల్ పబ్లిష్ అయ్యింది. ఇప్పుడు నిఖిల్ ప్లేస్ లో నితిన్ వచ్చాడు, నితిన్ ప్లేస్ లో నిఖిల్ వచ్చాడు. సో, హెడ్డింగ్ “నిఖిల్ సరసన నితిన్ హీరోయిన్”గా మారింది. ఇంతకీ విషయం ఏంటంటే.. నితిన్ కథానాయకుడిగా తెరకెక్కనున్న “శ్రీనివాస కళ్యాణం” చిత్రంలో ఒన్నాఫ్ ది హీరోయిన్ గా నిఖిల్ “ఎక్కడికి పోతావు చిన్నవాడా” చిత్రంలోని కథానాయిక అయిన నందిన శ్వేతను ఫిక్స్ చేయగా.. ఇప్పుడు నిఖిల్ తాజా చిత్రంగా రూపొందనున్న తమిళ “కనితన్” తెలుగు రీమేక్ లో కథానాయికగా నితిన్ తో రెండుసార్లు వరసగా నటించిన మేఘా ఆకాష్ ను సెలక్ట్ చేశారు.
ఈమేరకు ఇంకా అఫీషియల్ కన్ఫర్మేషన్ రావాల్సి ఉన్నా.. ఇలా నిఖిల్ హీరోయిన్ తో నితిన్, నితిన్ హీరోయిన్ తో నిఖిల్ నటించనుండడం ఆసక్తికరంగా మారింది. ఇకపోతే.. నిఖిల్, నితిన్ లు ఇద్దరూ ప్రస్తుతం హిట్-ఫ్లాప్ ల మధ్య కొట్టుమిట్టాడుతున్నారు. నితిన్ “లై” ఫ్లాప్ తర్వాత కాస్త ఢీలాపడితే, నిఖిల్ “కేశవ” తర్వాత కాస్త ఎక్కువ గ్యాప్ తీసుకొన్నాడు, ఇక నిఖిల్ నటించిన తాజా చిత్రం “కిర్రాక్ పార్టీ” ఎప్పుడు రిలీజ్ అనే విషయంలో క్లారిటీ కూడా లేదాయే. ఇక నితిన్ ఏడాది క్రితం మొదలెట్టిన తన 25వ చిత్రమైన “చల్ మోహన్ రంగా” ఫస్ట్ ను నిన్న విడుదల చేశాడు. అసలు ఈ సినిమా ఒకటి సెట్స్ మీద ఉందని చాలా మందికి తెలియదు కూడా. కాస్త అటు ఇటూగా బ్యాడ్ ఫేస్ లో ఉన్న ఇద్దరు హీరోలు ఇలా కథానాయికల విషయంలోనూ చూపిస్తున్న షేరింగ్ కంఫర్ట్ ప్రస్తుతం చర్చనీయాంశంగా మారింది.
Home