నితిన్ సరసన వరుసగా రెండు సినిమాల్లో హీరోయిన్ గా నటించిన మేఘా ఆకాష్ కి తెలుగులో ఆఫర్లు క్యూ కడుతున్నాయి. తమిళంలో ఆల్రెడీ రెండు సినిమాలు సైన్ చేసిన మేఘా ఆకాష్ కి తెలుగులోనూ ఆఫర్లు వస్తున్నాయి. రామ్ హీరోగా త్రినాధరావు నక్కిన దర్శకత్వంలో తెరకెక్కనున్న చిత్రంలో ఆల్రెడీ మెయిన్ హీరోయిన్ గా అనుపమ పరమేశ్వరన్ ను ఎంపిక చేసిన విషయం తెలిసిందే. ఇప్పుడు మరో హీరోయిన్ గా మేఘా ఆకాష్ ను ఫైనల్ చేశారట. గ్లామరస్ రోల్ కావడంతో మేఘాను ఎంపిక చేసినట్లు తెలుస్తోంది.
మేఘా ఆకాష్ ప్రస్తుతం “చల్ మోహనరంగ” చిత్రంలో నితిన్ సరసన కథానాయికగా నటిస్తోంది. ఆల్రెడీ వీళ్ళిద్దరి కాంబినేషన్ లో వచ్చిన “లై” ఫ్లాపైనప్పటికీ.. ఈ సినిమాపై మంచి హైప్ క్రియేట్ అయ్యింది. పవన్ కళ్యాణ్ క్రియేటివ్ వర్క్స్ నుంచి వస్తున్న సినిమా కావడంతోపాటు ఇప్పటివరకు విడుదలైన రెండు పాటలు సూపర్ హిట్ అవ్వడం, టీజర్ కి కూడా మంచి రెస్పాన్స్ రావడంతో సినిమా రిలీజ్ కోసం ఆడియన్స్ వెయిట్ చేస్తున్నారు.
