‘షాడో’, ‘శక్తి’ లాంటి భారీ డిజాస్టర్లను తెరకెక్కించిన తరువాత దర్శకుడు మెహర్ రమేష్ కొన్నాళ్లపాటు సినిమాలు దూరమయ్యారు. చాలా గ్యాప్ తీసుకున్న తరువాత ఆయన చిరంజీవితో సినిమా చేసే ఛాన్స్ అందుకున్నాయి. చిరుతో మెహర్ రమేష్ సినిమా అనౌన్స్ చేసినప్పుడు అందరూ షాకయ్యారు. అసలు ఈ సినిమా సెట్స్ పైకి వెళ్తుందా అని అనుమానంగా చూశారు. కానీ ఇటీవల చిరు పుట్టినరోజు సందర్భంగా సినిమా టైటిల్ పోస్ట్ ను రిలీజ్ చేశారు మెహర్ రమేష్.
తమిళంలో తెరకెక్కిన ‘వేదాళం’ సినిమాకి రీమేక్ గా తెరకెక్కుతోన్న ఈ సినిమాకి ‘భోళా శంకర్’ అనే టైటిల్ ఫిక్స్ చేశారు. ఇందులో చిరుకి చెల్లెలుగా సాయిపల్లవి కనిపించనుంది. అయితే ఈ సినిమాకి మెహర్ రమేష్ ఎంత రెమ్యునరేషన్ తీసుకుంటున్నారనే విషయం హాట్ టాపిక్ గా మారింది. అందుతున్న సమాచారం ప్రకారం.. ఈ సినిమాకి మెహర్ రమేష్ రెమ్యునరేషన్ తీసుకోవడం లేదట. నెలవారీ జీతం, అలానే లాభాల్లో వాటా తీసుకునేలా ఒప్పందం కుదుర్చుకున్నారట.
ప్రీప్రొడక్షన్ దశ నుంచి నెలకు రూ.5 లక్షల చొప్పున మెహర్ కు జీతం ఇస్తున్నారట. రిలీజ్ తరువాత లాభాల్లో 20 శాతం వాటా కూడా ఇచ్చేలా కాంట్రాక్ట్ చేసుకున్నారట. అంటే సినిమా బాగా తీసి.. హిట్ కొట్టాల్సిన బాధ్యత మెహర్ మీదే ఉంది. కనీసం ఈ సినిమాతోనైనా.. మెహర్ హిట్ అందుకుంటారేమో చూడాలి!
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home