నందమూరి బాలకృష్ణ ప్రస్తుతం బోయపాటి శ్రీను డైరెక్షన్లో ‘అఖండ’ అనే హై వోల్టేజ్ మాస్ మూవీలో నటిస్తున్నాడు. ఈ చిత్రం షూటింగ్ ఫైనల్ స్టేజిలో ఉంది. మరొక షెడ్యూల్ షూటింగ్ జరిపితే… చిత్రీకరణ మొత్తం పూర్తవుతుంది. ఇక ఈ చిత్రం తర్వాత ‘క్రాక్’ దర్శకుడు గోపీచంద్ మలినేనితో బాలయ్య ఓ సినిమా చేయబోతున్నాడు. ‘మైత్రి మూవీ మేకర్స్’ వారు నిర్మించబోతున్న ఈ చిత్రానికి సంబంధించిన అధికారిక ప్రకటన ఇటీవల బాలయ్య పుట్టినరోజు నాడు వచ్చింది.
ఇదిలా ఉండగా.. ఈ సినిమాలో రెండో హీరోయిన్ గా మెహ్రీన్ ఎంపికైనట్టు ప్రచారం జరిగింది. తాజాగా ఈ ప్రచారం పై స్పందించి క్లారిటీ ఇచ్చింది మెహ్రీన్. ఆమె మాట్లాడుతూ.. “ప్రస్తుతం నేను దర్శకుడు మారుతి తెరకెక్కిస్తున్న ఓ మూవీలో హీరోయిన్ గా చేస్తున్నాను. సంతోష్ శోభన్ ఈ చిత్రంలో హీరోగా నటిస్తున్నాడు. మీరందరూ ఈ మూవీని త్వరగా చూడాలనే ఆసక్తితో నేను పనిచేస్తున్నాను. ఇక, నా తర్వాతి సినిమాల పై వస్తున్న వార్తల్లో నిజం లేదు.
నేను అధికారికంగా ప్రకటించే వరకు దేనిని నమ్మొద్దు” అంటూ చెప్పుకొచ్చింది ఈ మెహ్రీన్. ప్రస్తుతం ఈ అమ్మడు అనిల్ రావిపూడి తెరకెక్కిస్తున్న ‘ఎఫ్ 2’ సీక్వెల్ అయిన ‘ఎఫ్ 3’ లో వరుణ్ తేజ్ సరసన హీరోయిన్ గా నటిస్తుంది. వచ్చే వారం నుండీ ఈ చిత్రం షూటింగ్ తిరిగి ప్రారంభం కానుంది.ఇప్పటికే చాలా వరకు చిత్రీకరణ పూర్తయినప్పటికీ కరోనా సెకండ్ వలన మళ్ళీ షూటింగ్ వాయిదా పడింది.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home
