Mehreen: మెహ్రీన్ పెళ్లి వాయిదా పడిందా..?

May 27, 2021 / 02:48 PM ISTByFilmy Focus

Join Us

Mehreen: మెహ్రీన్ పెళ్లి వాయిదా పడిందా..?

‘కృష్ణగాడి వీర ప్రేమ గాథ’ సినిమాతో టాలీవుడ్ ఇండస్ట్రీకి హీరోయిన్ గా పరిచయమైంది మెహ్రీన్ కౌర్. ఆ తరువాత ‘ఎఫ్ 2’, ‘మహానుభావుడు’, ‘కవచం’ వంటి చిత్రాల్లో నటించింది. రీసెంట్ గా ఈ బ్యూటీ హర్యానా మాజీ ముఖ్యమంత్రి భజన్ లాల్ బిష్ణోయ్ మనవడు భవ్య బిష్ణోయ్ తో పెళ్లికి సిద్ధమైంది. మార్చిలో వీరిద్దరి ఎంగేజ్మెంట్ కూడా జరిగింది. ఈ ఏడాది సెకండ్ హాఫ్ లో పెళ్లి చేసుకుందామనుకున్నారు. కానీ ప్రస్తుతం పరిస్థితుల కారణంగా పెళ్లి గురించి ఆలోచించడం లేదని చెబుతున్నారు.

ఇటీవల కరోనా నుండి కోలుకున్న మెహ్రీన్.. కోవిడ్, పెళ్లి తదితర విషయాలపై స్పందించింది. కరోనా వైరస్ మరికొంతకాలం ఉంటుందనే విషయం అందరికీ తెలుసునని.. ఈ మహమ్మారి మనకి కావాల్సిన చాలా మందిని దూరం చేసిందని.. ఇది చాలా విషాదకరమని చెప్పింది. గతేడాది తన తండ్రికి కరోనా వచ్చిందని.. ఈ ఏడాది ప్రారంభంలో నిశ్చితార్ధం తరువాత తనకు, తన తల్లికి పాజిటివ్ అని తేలిందని.. వెంటనే ముంబైలో క్వారెంటైన్ లో ఉండిపోయామని చెప్పింది.

చాలా భయపడిపోయామని.. కానీ దాని నుండి ఎలాగోనా బయటపడ్డామని తెలిపింది. ఇప్పటికీ కాస్త నీరసంగా ఉంటుందని.. అందుకే వ్యాయామాలు చేయడం మొదలుపెట్టినట్లు చెప్పింది. కరోనా సోకినా సమయంలో భవ్య తనకు రోజూ కాల్ చేసి యోగ క్షేమాలు అడిగి తెలుసుకునేవాడని గుర్తు చేసుకుంది. తను కోలుకున్న వెంటనే అతడికి పాజిటివ్ వచ్చిందని.. ఇప్పుడున్న పరిస్థితుల్లో పెళ్లి గురించి చర్చించడం లేదని చెప్పుకొచ్చింది. ప్రస్తుతం ఈ బ్యూటీ ‘ఎఫ్3’ సినిమాలో నటిస్తోంది.